Manatu Mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O manatu nei e lua.

“E Faape’i le Avea ai ma se Tagata Fou Faato’a Liliu Mai?” itulau e 50: Mafaufau e fai se talanoaga faatasi ma lou aiga e uiga i tala o le liuaina na faasoa mai e tagata o le ekalesia i le tusiga lenei. E mafai foi ona e faitauina le lisi o luitau e 10 ia na feagai ma tagata liliu mai (o loo aofia i le tusiga). I le avea ai ma se aiga, ia faailoa mai ni tagata fou i la outou uarota po o le paranesi po o tagata o e ua amata ona toe faatoaagaina mai i le Lotu. Ona galulue faatasi lea e fatu se fuafuaga e faauo atu ai i na tagata o le ekalesia ma lagolagoina i latou a o latou taumafai e saili le malosiaga e fetuunai ai i tulaga faaleagafesootai ma faaleaganuu ma ia tuputupu ae ai faaleagaga.

“Tatou Te Manatua ma Tapuai Atu i Lo Tatou Faaola, o Iesu Keriso,” itulau 68, ma le “O Le Kerisimasi Muamua,” itulau e 74: Faamanatu le soifua mai o le Faaola i se tasi o le tele o manatu mo gaoioiga e faaautuina i le Kerisimasi o i lenei lomiga. Mo se faataitaiga, e mafai ona e oti ese ia pusa o i le itulau e 69 ma filifili faatasi o se aiga pe o le a faapefea ona outou faaali atu lo outou alolofa mo le Faaola i le vaitau o lenei Kerisimasi faapea ai ma le tausaga atoa. Atonu e mafai foi ona outou mafaufau e faaaoga ia tusiga o i le itulau e 74 e avea o se taiala e fesoasoani ai i lou aiga e faatino le ata o le soifua mai o Iesu. E ono fesoasoani nei gaoioiga uma e lua e aoao ai lau fanau i le auala e taulai atu ai o latou mafaufauga i le Faaola i le vaitaimi o le Kerisimasi.

I Lau Gagana

O loo maua le Liahona ma isi tusi a le Ekalesia i le tele o gagana i languages.lds.org.