Malamalama Vave

E faavae i se faatalanoaga na saunia e Richard M. Romney

Mekasini a le Ekalesia

O lou igoa o Magnolia. Ou te alu i se uarota e tautatala faaSipaniolo. O se tasi aso na sau ai Mia i la’u vasega Peraimeri. E na o le Igilisi e tautala ai. Sa ou manao e fesoasoani ia Mia ia lagona le taliaina, o lea na ou filifili ai e fesoasoani ia te ia. O le a avea au ma ana faamatalaupu!

O se faamatalaupu e faaliliuina upu o loo tautala ai se tagata i se isi gagana ese.

Tulituli Atu

O le taimi muamua sa faigata ona tulituli atu i le taimi na ou faamatalaupu ai mo Mia. Ona faalemu lea o le tautala a faiaoga ia lava ai se taimi mo a’u. Sa matou maua uma se lagona lelei i le mafai ona matou fesoasoani ia Mia.

Tele Mea e Tutusa ai

Na faatoa uma ona papatisoina ma faamauina i ma’ua uma. Ma te fiafia uma i musika, ae maise lava i viiga ma pese Peraimeri. Ma te fiafia uma i afiafi faaleaiga. Ma o i ma’ua uma foi e fiafia e faitau tala o loo i totonu o le Liahona.

Fesoasoaniga Musumusu

O lou igoa o Mia. O o’u matua e tautatala faaSipaniolo, o lea na matou o ai i le uarota e tautatala faaSipaniolo. Sa ou le malamalama po o a tala na tautatala ai tagata. Sa iloa mai e Magnolia ua ou le fiafia. Sa sau i o’u tafatafa ma musumusu mai le faaPeretania i lo’u taliga.

Uo lelei

Ina ua uma le Peraimeri, sa ou fesili ia Magnolia pe fia avea ma a’u uo. Sa fai mai o ia ioe. Mai lava i le taimi lena, na avea ai Magnolia ma a’u uo ma a’u faamatalaupu. Sa fesoasoani mai ia te a’u e maua foi isi uo.

Fai le Mea e Fai e Iesu

E mafai e tagata uma ona fesoasoani i tagata, e pei ona sa fesoasoani mai Magnolia ia te a’u. Tatalo. O le a fesoasoani le Tama Faalelagi ia te oe e iloa po o ai e fesoasoani i ai. E pei lava o le pese “Pe ana Tu le Faaola i Ou Autafa” (Uo, Oke. 1993, 14). E mafai ona tatou taumafai e fai le mea e finagalo Iesu tatou te faia.

Auala e Mafai ona E Fesoasoani Ai

Motugaafa mai ia Mia ma Magnolia:

Afai o se tagata:

• E fou i le lotu po o le aoga, fesoasoani ia ona lagona le taliaina.

• E le alu soo i le lotu, valaaulia o ia lua te o faatasi.

• O loo sauaina, tu atu mo ia. Ta’u i lou faiaoga.

• O foliga tuua toatasi, valaaulia o ia e faatasi atu ia te oe.

• Manaomia se uo, fai atu ia te ia e avea o ia ma au uo. Faatasi ai ma le faatagaga a ou matua, valaaulia o ia e alu atu i lou fale lua te taaalo ai.

Afai e sili atu ma le tasi ni gagana e tautala ai, ofo atu e faamatalaupu.

Tuu Mai Lou Lima!

E faapefea ona faaalia lou alofa e ala i le fesoasoani atu i isi? Tusi lolomi le ata o lou lima ma auina mai ia i matou lau tala ma le ata, faatasi ma le faatagaga a ou matua. Asiasi i le liahona.lds.org po o le imeli [e-mail].