Malamalamaaga

O le a le matafaioi a le tama i le avea ai ma se matua?

“E tuuina atu e tama ia faamanuiaga ma faatino ia sauniga paia mo le la fanau. O le a avea nei mea ma ni mea faaleagaga taua i o latou olaga. E aafia patino lava tama i le taitaiina o tatalo faaleaiga, faitauina o tusitusiga paia i aso uma, ma afiafi faaleaiga i vaiaso taitasi. E fausia e tama ni tu masani faaleaiga … O manatuaga o nei taimi faapitoa e faatasitasi ai o le a le galo lava i le la fanau. E faataunuu e tama faatalanoaga fai soo taitoatasi ma le la fanau ma aoao i latou i mataupu faavae o le talalelei. E aoao e tama ia atalii ma afafine i le taua o le galue ma fesoasoani ia i latou e faamautu ni sini taua i o latou lava olaga. E fai e tama se faataitaiga o auaunaga faamaoni i le talalelei. Faamolemole ia manatua, o lou valaauga paia o se tama i Isaraelu-lou valaauga sili ona taua i le olaga nei ma le faavavau atoa.”

Elder L. Tom Perry o le Korama a Aposetolo e Toasefululua, “Mauaina o le Filemu Tumau ma le Fausiaina o Aiga e Faavavau,” Liahona, Nov. 2014, 44–45.