Taimi o Tusitusiga Paia

O Le Leoleo Mamoe Lelei

Saunia e Erin Sanderson

E alala le tusitala i Iuta, ISA.

Aoao faatasi e uiga i le Feagaiga Fou i le tausaga nei!

I se tasi aso na fai atu e Iesu se tala (po o se faataoto) e uiga i se leoleo mamoe o le e alofa tele i ana mamoe ma e mafai lava ona ia tuuina atu lona soifua ina ia puipuia i latou. E pei lava i tatou o mamoe i lena tala. Ma o le leoleo mamoe e pei o lo tatou Faaola, o Iesu Keriso. O nisi taimi e valaau o Ia o le Leoleo Mamoe Lelei.

Na faaalia e Iesu Lona alofa ina ua aumai e nisi matua a latou fanau e vaai ia te Ia. Na Ia fetalai, “Ia tuu mai ia o tamaiti e o mai ia te au, a e aua tou te vavao ia te i latou: aua e faapei o i latou nei o e o i le malo o le Atua” (Luka 18:16). Ona Ia fusi lea ia te i latou i Ona aao ma faamanuiaina i latou.

Moeiini ou mata ma vaai faalemafaufau i le Faaola o fusi oe i Ona aao ma tuuina atu ia te oe se faamanuiaga. E mafai ona e lagonaina Lona alofa pe a e aoao pe mafaufau ia te Ia. O le Agaga Paia e fesoasoani e te lagonaina ai le alofa o le Leoleo Mamoe Lelei, o Iesu Keriso.

Aoao Atili

tuu mai—ia tuu atu pe faatagaina

vavao ia te i latou—aua ne‘i taofia i latou

Talanoaga i le Aiga

Faitau Ioane 10:1–5, 11–16. Ona fai lea o se lisi o auala e faapei ai Iesu o se leoleo mamoe ma ta‘u mai se taimi na e lagonaina ai le alofa o le Faaola.

Pese: “Ou Te Mafaufau i Lena Tala Manaia” (Tusipese a Tamaiti, 35)

Tusitusiga Paia: Luka 18:15–17; Ioane 10:1–5, 11–16

Vitio: “Suffer the Little Children to Come Unto Me” ma “Jesus Teaches that We Must Become as Little Children” (Biblevideos.org)

O La Tatou Leoleo Mamoe Lelei

Aveese lenei ata. Gagau e pei o se ili i luga o laina papae. Ona tatala lea ma vaai i ai mai le itu taumatau ma le itu tauagavale. E faapefea ona e lagonaina le alofa o lo tatou Leoleo Mamoe Lelei?

Motugaafa o Tusitusiga Paia

Sue le “Talalelei” i le Taiala i Tusitusiga Paia mo se siata e ta‘u mai ai po o a tusi e ta’u maia le mea na tupu po o le aoaoga. Ua na o le tusi a Ioane o loo ta‘u mai ai le Leoleo Mamoe Lelei. E Tolu Tusi—Mataio, Mareko ma Luka—o loo ta‘u mai ai e uiga ia Iesu o loo faamanuiaina le fanau.

Ata na tusia e Phyllis Luch (agavale) ma Paul Mann (taumatau)