Mo Tamaiti Laiti
O Le Fale na Fausia i le Sefuluai
E alala le tusitala i Iuta, ISA.
O Siaki lenei. O tupe siliva ia a Siaki e tiligi ma tatagi. O le sefuluai lenei a Siaki, e 10 pasene.
O le epikopo lenei e faatalofa ia Siaki pe a ia totogiina lana sefuluai, e 10 pasene.
O le perofeta lenei, e foliga fiafia ma le agaga tatalo, na saunoa mai, “Sei o tatou fausia se malumalu,” i le sefuluai na auina mai e le epikopo na faatalofa ia Siaki pe a ia totogiina lana sefuluai, e 10 pasene.
O le malumalu, iila ma papae, o se fale o le Alii e faatumulia i le malamalama.
O le fale lenei na fausia i le sefuluai ona sa fai mai le perofeta, “sei o tatou fausia se malumalu,” i le sefuluai na auina mai e le epikopo sa faatalofa atu ia Siaki pe a ia totogiina lana sefuluai, e 10 pasene.
O ’ata’ata lenei a Siaki, e tele ma susulu, pe a alu o ia i le malumalu, e iila ma paepae, ina ia faamauina i lona aiga i luma o le Atua.
Ata na tusia e Dani Jones