O Le Aso Mamalu o le Toefuataiga o le Perisitua

Saunia e Elder L. Tom Perry

O Le Korama a Aposetolo e Toasefululua

E tatau ona tatou maua le agaga faafetai ua toefuatai mai e le Alii Lana Ekalesia ma Lana perisitua i le lalolagi.

Joseph Smith, Jr. and Oliver Cowdery kneeling before John the Baptist. John the Baptist has his hands placed on the head of Joseph Smith, Jr. as he restores the Aaronic Priesthood. John is depicted wearing white. There are trees and a river in the background.

Ina ua afio mai le Faaola i le lalolagi, o se tasi o mea muamua sa Ia faia o le faatulagaina lea o Lana Ekalesia. Ua ta‘u mai e le Feagaiga Fou ia i tatou na Ia “maliu i le mauga e tatalo, ua aoina lana tatalo i le Atua.” Ina ua Ia afio mai i lalo i le taeao na sosoo ai, sa Ia valaauina faatasi Ona soo. “Na filifilia e ia ni o latou e toasefulu ma le toalua, ua faaigoa foi i latou e ia o aposetolo” (Luka 6:12–13).

Mulimuli ane, na Ia aveina Peteru, Iakopo, ma Ioane i luga o le mauga na o i latou, ma o iina na maua ai e Peteru ki o le perisitua (tagai i le Mataio 17:1–9; tagai foi i le 16:18–19). O Peteru na avea ma le e nafa ma le umiaina o ki uma i le lalolagi i le taitaiina o le Ekalesia ina ua mavae le afio ae o le Faaola.

O le usitaia o le poloaiga a le Faaola (tagai i le Mareko 16:15), na talai atu ai e Aposetolo le talalelei ma faatulagaina ia paranesi o le Ekalesia. I le tele o taimi, sa latou maua le avanoa e asiasi atu ai i paranesi e nao le faatasi le taimi, lea na le lava ai le avanoa latou te talai atu ai ma aoao atu. Na vave ona oo mai manatu sese, ma o vaega eseese o aoaoga faavae a le Faaola sa suia pe na fetuunaia (tagai i le Isaia 24:5). Na salalau atu le liliuese, ua tatau ai i le Alii ona aveesea le perisitua mai le lalolagi o le taunuuga, na leai ni faamanuiaga o le perisitua i le fogaeleele mo se vaitaimi umi lava.

Ina ia toe faatuina Lona malo i le lalolagi i mana o le perisitua, na toefuatai mai ai e le Alii le talalelei.

Manatua le Toefuataiga

A o faaliliuina e Iosefa Samita le Tusi a Mamona ma sa galue Oliva Kaotui o lana tusiupu, sa la oo mai i le tala i le 3 Nifae i le Faaola toetu ua asiasi atu i le itulagi i Sisifo. A o la aoao i Ana aoaoga e uiga i le papatisoga (tagai i le 3 Nifae 11:23–28), sa la taumanatunatu e uiga i le tele o ituaiga faiga o le papatisoga o loo faaaogaina i lo la taimi ma po o ai sa i ai le pule e papatiso ai.

Sa filifili Iosefa ma Oliva e aioi atu i le Alii, i le tatalo i le togavao i tafatafa o le fale o Iosefa ma Ema. O iina, na tupu ai le faaaliga maoae lea na faaali mai ai Ioane le Papatiso, tuu ona lima i luga o o laua ulu ma faapea atu: “I luga o oulua o’u uso a auauna e, i le suafa o le Mesia ou te faaee atu ai le Perisitua o Arona, o loo i ai ki o le talalelei o lesalamo, ma o lepapatisoga i le faatofuina mo le faamagaloina o agasala; ma o le a lē toe aveesea lava lenei perisitua mai le lalolagi, seia toe osia e atalii oLevi se taulaga i le Alii i leamiotonu” (MF&F 13:1).

O se matua mamalu lava lena mea. Ou te faamoemoe e manatua uma e e umia le perisitua le aso 15 o Me, 1829, e avea o se mea paia na tupu i le talafaasolopito o le Ekalesia ma o se mea faapitoa na tupu i le talafaasolopito o le lalolagi.

Ua tau mai ia i tatou e le Mataupu Faavae o le Faatuatua “Matou te talitonu e ao ina valaauina se tagata e le Atua, e ala i le valoaga, ma ala i le faaeega o lima o i latou o e o i ai le pule, e talaʼi atu ai le Talalelei ma faia sauniga o i ai” (Mataupu Faavae o le Faatuatua 1:5).

O tagata e le valaauina faafuasei; ua valaauina i latou e ala i musumusuga ma valoaga. O loo i ai se laina tuusao o musumusuga mai le Alii ia i latou o e ua valaauina e faaaoga le perisitua. O le ala lena e pulea ai e le Alii Lana Ekalesia, ma o le ala lena na Ia valaauina ai le Perofeta o Iosefa Samita.

Ia Agavaa Mo le Perisitua

O le mauaina o le perisitua e le o se faailoga e otometi lava ona oo mai e tusa ai ma le suia o tausaga. E tatau ona tatou agavaa ma “faamaoni i le mauaina o nei perisitua e lua” (MF&F 84:33). E tatau ona tatou faitau ma le faaeteete i le tautoga ma feagaiga o le Perisitua Mekisateko, lea e faapitoa lava le faasino mai ai o le tulaga e tatau ona tatou malamalama ma malilie i ai ina ia talia ai le perisitua:

“O le mea lea, o i latou uma o e e mauaina le perisitua, e mauaina lenei tautoga ma le feagaiga a loʼu Tamā, e lē mafai ona soli e ia, pe mafai ona aveesea.

“Peitai ʼai se e solia lenei feagaiga ina ua uma ona maua e ia, ma liliu ese atoa mai ai, o le a lē maua e ia se faamagaloga o agasala i le lalolagi lenei po o i le lalolagi a sau.(MF&F 84:40–41).

E fai lava si ogaoga. Atonu e te manatu o le a fefefe tagata i le Perisitua Arona ma le Perisitua Mekisateko, ae o le fuaiupu e sosoo ai, “Oi Talofa ia te i latou uma o e le o mai i lenei perisitua” (MF&F 84:42; faaopoopo le faamamafa).

Afai tatou te taliaina le perisitua ma ola agavaa mo lea mea, tatou te maua faamanuiaga a le Alii. Ae afai tatou te solia a tatou feagaiga ma liliu ese mai lo tatou perisitua, o le a tatou le maua faamanuiaga a le Alii po o le avea ma “le au filifilia a le Atua” (MF&F 84:34).

O le Perisitua Arona, lea e maua e ala i le feagaiga, e fesoasoani e saunia alii talavou e maua le Perisitua Mekisateko, o le perisitua maualuga e maua e ala i le tautoga ma le feagaiga.

Aapa Atu i le Auauna Atu

O le perisitua o se usoga maoae—atonu o le usoga sili lea i le lalolagi. O sootaga i o tatou uso a perisitua e tatau ona sili atu nai lo soo se isi lava sootaga sei vagana ai i latou i totonu o o tatou aiga taitoatasi. E le gata i le avea ai ma se usoga, o le perisitua o se faalapotopotoga auauna atu lea tatou te tuuina atu ai i tatou lava e fesoasoani atu i isi ma faia mea ia sili atu ona lelei.

Mai le taimi e maua ai e se alii talavou le Perisitua Arona ma faauuina o se tiakono po o se aoao po o se ositaulaga, ua i ai o ia i se korama. E faaauau pea lena usoga o le korama pe a ia maua le Perisitua Mekisateko ma faauuina e avea ma se toeaina. E taua tele korama i le perisitua.

Talu ai nei sa lauga ai se alii talavou e alu i se misiona i le sauniga faamanatuga. I lana saunoaga na ia faamalamalama ai o ia ma le toafa o ana uo na amata faatasi i le korama a tiakono. Sa ia fai mai o le faauoga ma le lagolago na latou tuuina atu i le tasi i le isi a o latou feagai ma luitau ma siitia atu ai agai i luma e ala i le faatulagaga o le Perisitua Arona na fesoasoani ia i latou ina ia ausia a latou sini o le auauna atu faamisiona.

Ou te auai i se korama. O se korama taua tele. E i ai tagata mai ituaiga eseese uma o galuega ma tomai. Ae pe a tatou galulue faatasi o se korama, ua tatou lotogatasi i le faamoemoe.

Pe a malilie tagata o le korama e autasi i se ala e mulimuli ai ma galulue faatasi i lalo o le uunaiga a le Agaga Paia, latou te galulue e tusa ai ma le finagalo o le Alii. Sei vagana ua i ai se maliega atoatoa o tagata o se korama, e te le faaauau pea. Mafaufau i le auala e mafai ai ona puipuia oe i le olaga atoa.

E tatau ona i ai i le taitai o le korama se lisi o tagata o lana korama, ma e tatau ona ia mataala ia i latou o loo i ai faafitauli i le iloaina o le ala e tatau ona latou ola ai. Afai o le tele o na alii talavou e auai i le korama, e faatulaga e le taitai lana lisi, ma tuuina atu le faamuamua ia i latou e sili ona manaomia le faafaileleina. Ona amata lea ona asia e ia ma isi tagata o le korama i latou, ma faia i latou ma uo ma paaga o le korama i se auala e toe foi mai ai i latou i le mafutaga.

E i ai i se korama o le perisitua le matafaioi ma le tiutetauave e “lapatai atu, faamalamalama atu, apoapoai atu, aoao atu, ma valaau atu i tagata uma ia o mai ia Keriso” (MF&F 20:59). O le auauna atu i se korama o le perisitua e taua i lo tatou atinaega iinei i le lalolagi. O le mea lea, o tagata uma o le korama e tatau ona mafaufau i nei tiute o se vaega o la latou matafaioi o le auauna atu i le malo o lo tatou Tama oi le Lagi.

Ua tatou iloa uma tatou te feagai ma luitau i lo tatou olaga faataitai. Sei vagana ua tatou maua le lagolago e fesoasoani ia i tatou a o tatou faagasolo i le olaga, o le a tatou maua i tatou lava ua aunoa ma se fuafuaga mausali, se taitaiga mautu, po o se faafanua mausali e taitaia ma taialaina i tatou. O se korama e lelei le faagaoioia e fesoasoani ia i tatou e fausia se fuafuaga ma se faafanua lea o le a taitai atu ai i tatou e toe foi atu i le afioaga o lo tatou Tama oi le Lagi.

Ia Lotofaafetai

O Epikopo e umia ki o le perisitua e pulefaamalumalu ai i a latou uarota, e aofia ai alii talavou o le Perisitua Arona. O le epikopo, o le mea moni, o le peresitene o le korama a ositaulaga o lana uarota. Na te fesoasoani i alii talavou ina ia agavaa e mauaina ma alualu ai i luma i le Perisitua Arona ma saunia ai mo le Perisitua Mekisateko. E fesoasoani o ia ia i latou e malamalama i tiute ma faamanuiaga e oo mai i e o loo umia le perisitua. E fesoasoani o ia ia i latou e aoao e faalautele le perisitua e ala i le tuuina atu ia i latou o tofiga e fesoasoani ia i latou e auauna atu ma aoao atu isi.

Ua faamanatu mai e ki o le Perisitua Arona ia i tatou e tatau lava ona tatou faafetai pea lava mo le perisitua toefuataiina, ma lona mana, pule ma tiutetauave: “Le mana ma le pule o le perisitua maualalo, po o le Perisitua Arona, o le umia lea o ki o le auaunaga a agelu, ma faisauniga o fafo, le mataʼitusi lea o le talalelei, o lepapatisoga lea o le salamo mo lefaamagaloina o agasala, e tusa ai ma feagaiga ma poloaiga” (MF&F 107:20).

Ou te luiina alii talavou e faamamalu le perisitua ua latou maua ma saunia e siitia atu i tofi taitasi o le Perisitua Arona a o latou saunia mo le faamanuiaga faaopoopo o le mauaina o le Perisitua Mekisateko, o le auauna atu i le Alii o ni faifeautalai faamisiona, ma iu lava ina faaipoipo atu i Lona malumalu paia.

Ou te molimau atu e leai se tagata soifua e taitaia lenei Ekalesia. O le Ekalesia a le Faaola, ma Na te taitaia e ala i le perisitua, lea Na te faasafua atu i alii i le lalolagi ina ia mafai ona latou galulue o Ona sui i le taitaiina o Lana Ekalesia ma le faatinoina o sauniga paia. E tatau ona tatou maua le agaga faafetai ua toefuatai mai e le Alii Lana Ekalesia ma Lana perisitua i le lalolagi.