Mo Tamaiti Laiti
OClara ma le Polokalama a le Peraimeri
E alala le tusitala i Colorado, ISA.
O Clara ma lona aiga sa faatoa uma ona papatisoina. E fiafia Clara e ala i luga i le aso Sa ma o faatasi i le lotu.
I se tasi aso Sa sa fai mai ai le peresitene o le Peraimeri o le a i ai se polokalama a le Peraimeri lata mai. Sa le mautinoa e Clara po o le a le polokalama a le Peraimeri. Ae sa ia iloaina sa manao o ia ina ia i ai.
“E mafai ona e faitauina se mau ma tuu atu lau molimau i le polokalama o le Peraimeri?” na fesili mai ai lona faiaoga.
Na lue atu le ulu o Clara. Na fiafia lava o ia! Sa manao o ia e aoao le tele o mea sa ia mafaia e uiga i le talalelei. Ae sa popole foi o ia. Ae faapefea pe afai na te faia se mea sese?
Sa faataitai e Clara lana vaega i po uma. Na te le’i iloa lelei upu uma o i le mau.
“O le a e matuai lelei tele,” o le tala lea a Mama.
Sa le mautinoa e Clara. O lana polokalama muamua lea o le Peraimeri. O isi tamaiti uma sa faia muamua.
“Ia manatua, afai e te faia le mea sili, o le a faia e le Tama Faalelagi le vaega o totoe,” na tau atu e Papa ia te ia.
O le po a o lei faia le polokalama, sa tatalo Clara mo se fesoasoani ia fai e ia le mea sili. Sa ia tootuli pea i ona tulivae ma mafaufau e uiga i lana vaega. Sa ia maua se lagona lelei.
I le taeao o le aso Sa sa tatalo Clara ia aua nei fefe o ia.
Ina ua oo i lona taimi, sa savali atu Clara i luma. Sa ia misi se tasi o upu i le mau. Ona ia manatuaina lea o le lagona lelei na ia maua ina ua uma lana tatalo. Sa ataata o ia ma tuuina atu lana molimau. Sa ia talanoa e uiga i le tele o lona alofa i le Faaola.
Sa ataata Clara a o ia toe saofai i lalo. Sa ia iloaina o le Tama Faalelagi sa le popole e lei faia e ia mea uma i le atoatoa. Sa Ia popole i le mea sa i lona loto.
Ata na tusia e Kristin Yee