Ang Atong mga Lider nga mga Babaye

Kini nga mga babaye mga asawa, mga inahan, ug mga apohang mga babaye. Mga butang nga makalingaw mahitungod kanila! Makaprinta kamo og dugang nga mga kard sa liahona.lds.org.

Sister Linda K. Burton

Kinatibuk-ang Presidente sa Relief Society

• Ganahan og roller-skating, hopscotch, kickball, ug makigdula sa kasilinganan sa bata pa.

• Gitawag isip Primary music director samtang nagpuyo sa New Zealand sa tin-edyer pa.

• Nag-eskwela sa kolehiyo ug nahimong magtutudlo sa elementarya.

Sister Carole M. Stephens

Unang Magtatambag sa Kinatibuk-ang Kapangulohan sa Relief Society

• Nabugkos ngadto sa iyang mga ginikanan sa dihang singko anyos pa siya, human mabunyagi ang iyang inahan ug ang iyang papa nagsugod sa pagsimba pag-usab.

• Mikanta diha sa mga choir ug kapitan sa drill team nga gitawag og Bonnie Lassies.

• Mitudlo og seminary ug ganahan og mga klase. Nakaila sa iyang bana sa institute.

Sister Linda S. Reeves

Ikaduhang Magtatambag sa Kinatibuk-ang Kapangulohan sa Relief Society

• Nagtubo nga magdula sa kasagingan sa luyo sa ilang balay uban sa iyang upat ka igsoong mga lalaki.

• Ganahan magswimming ug magbasa og mga libro ngadto sa iyang mga apo.

• Ganahan mobasa sa Basahon ni Mormon ug sa istorya kabahin ni Jesus.

Sister Bonnie L. Oscarson

Kinatibuk-ang Presidente sa Young Women

• Sa bata pa, ganahan magbasa ilawom sa kahoy nga apricot ug mokatkat sa mga kahoy uban iyang duha ka mga igsoong lalaki.

• Usa ka art editor sa magasin sa high school ug nagtuon og literatura ug graphic design sa kolehiyo.

• Nagpuyo sa walo ka lain-laing estado sa U.S. ug kaduha sa Sweden!

Sister Carol F. McConkie

Unang Magtatambag sa Kinatibuk-ang Kapangulohan sa Young Women

• Ganahan magbasa sa attic sa balay sa umahan kon walay siya magtrabaho o magdula sa prutasan o umahan.

• Migahin sa summer didto sa France sa tin-edyer pa.

• Sa kolehiyo, usa ka student teacher sa klase sa English sa high school.

Sister Neill F. Marriott

Ikaduhang Magtatambag sa Kinatibuk-ang Kapangulohan sa Young Women

• Ganahan nga mosakay og kabayo sa bata pa, ug mosakay sa parada sa lokal nga rodeo.

• Nabunyagan siya sa dihang nag-edad og 22 anyos.

• Sa librarya ang unang trabaho. Dayon, ganahan mobasa og mga istorya sa pangkatulog ngadto sa iyang 11 ka mga anak.

Sister Rosemary M. Wixom

Kinatibuk-ang Presidente sa Primary

• Usahay magpapuli sa iyang kaluha nga igsoong babaye aron komedyahan ang mga tawo!

• Mitudlo sa grade three human makagradwar sa kolehiyo.

• Ganahan makat-on bahin sa hiyograpiya ug karon mobisita og mga nasud nga iyang gipangandoy nga bisitahan.

Sister Cheryl A. Esplin

Unang Magtatambag sa Kinatibuk-ang Kapangulohan sa Primary

• Mipalong sa kalayo ug miluwas sa iyang igsoong lalaki nga masunog didto sa ilang umahan sa Wyoming, USA.

• Ganahan mobasa ug magdula og mga sport, ilabi na sa basketball.

• Mitudlo sa eskwelahan sulod sa duha ka tuig human makagradwar gikan sa kolehiyo.

Sister Mary R. Durham

Ikaduhang Magtatambag sa Kinatibuk-ang Kapangulohan sa Primary

• Nakat-on nga dili modawat sa mga hagit sa uban kon mopilit ang iyang dila sa bugnaw nga puthaw.

• Nagtuon og sayaw sa kolehiyo.

• Isip usa ka inahan, sama sa usa ka nurse, magtutudlo, tigluto, ug tig-atiman sa garden, ug dunay iyang kaugalingong bag sa mga himan aron moayo og bisan unsa!