Ako usa ka batang lalaki, ug akong gusto nga moawhag sa mga babaye nga magsinina og mas ligdong. Apan unsaon man nako kana pagbuhat nga dili masaypan nga walay batasan?

Sakto ka nga mag-amping sa paghisgot niining bahina. Samtang tuyuon sa pipila ka batan-ong babaye nga magsinina nga dili ligdong, daghan ang maulaw nga maghunahuna nga adunay tawo nga nagtuo nga dili ligdong ang ilang sininaan. Mao nga magsensitibo ug makanunayon. Kon ang kinatibuk-ang hilisgutan sa ligdong nga sininaan mahisgutan, suportahi sa madasigong paagi ang sumbanan sa Ginoo kalabut sa ligdong nga sininaan, apan ayaw panghimarauta ang mga indibidwal. Usab, siguroha nga ang imong kaugalingong mga sumbanan sa sininaan ug mga lihok nahiuyon sa imong mga gituohan. Ang batan-ong mga babaye makakita sa inyong sininaan, ug sila siguradong makakita kon mas motagad ba kamo sa dili ligdong og sininaan o sa ligdong og sininaan nga batan-ong mga babaye.