Para sa Gagmayng mga Bata
Ang mga Pumpkin ni Paul
Ang tagsulat nagpuyo sa Utah, USA.
Nagtabang si Paul ni Papa nga mananom. Nanghinaut siya nga ang iyang igsoon nga lalaki nga si Eric nia unta aron makatabang. Apan si Eric tua sa iyang misyon.
“Dili gayud ko modako sama ni Eric,” miingon si Paul. “Unsaon nako pagmisyon sama niya?”
“Ayaw kabalaka,” miingon si Papa. “Motubo ra ka.”
Gitunol ni Papa ngadto ni Paul ang mga liso sa pumpkin. Iyang gitabangan si Paul sa pagtanom niini.
“Kining gamay nga liso motubo ngadto sa dakong mga pumpkin?” Nangutana si Paul.
“Kon atimanon nimo kini,” miingon si Papa.
Mogawas si Paul kada adlaw aron tan-awon ang garden. Gibuboan niya kini, ug sa wala madugay misugod kini sa pagtubo. Ang mga dahon nagkadako. Nag-amping si Paul sa pagpangibut sa mga sagbut.
Pagka-tinglarag (fall) ang mga pumpkin midako na. Ug dihay dako nga orange nga mga pumpkin!
Gidala ni Paul si Papa aron ipakita kaniya. “Imong giatiman pag-ayo ang mga pumpkin nga tanom!” Miingon si Papa.
“Yup! Ug ako moatiman sa akong kaugalingon, aron ako usab modako.” Mingisi si Paul. “Ug kon ako dako na, ako makamisyon sama nga si Eric!”
Paghulagway pinaagi ni Amy Wummer