Panahon sa Kasulatan

Si Pedro, Cornelio, ug ang Anghel

Ni Erin Sanderson

Ang tagsulat nagpuyo sa Utah, USA.

Pagkat-on mahitungod sa Bag-ong Tugon niining tuiga!

Human si Jesus nabanhaw ug mibalik sa langit, si Pedro ug ang ubang mga Apostoles misangyaw sa daghan nga mga dapit, apan sa katawhang Judeo lamang.

Si Cornelio mao ang usa ka opisyal sa kasundalohan nga Romano. Mituo siya sa Dios, apan dili siya Judeo. Usa ka anghel nagpakita ngadto kaniya ug misulti kaniya nga ipapangita si Pedro. Si Cornelio mipadala sa iyang mga tawo sa pagpangita ni Pedro, ug ang Espiritu Santo misulti kang Pedro sa pagkuyog kanila.

Sa balay ni Cornelio, si Pedro nagtudlo sa daghang mga tawo kinsa nagpundok didto. Siya misulti kanila kabahin sa ebanghelyo ni Jesukristo, ug sila mibati sa Espiritu Santo ug sila nasayud nga kini tinuod. Sa dihang ang mga higala ni Pedro nakahibalo nga siya misangyaw ngadto sa mga tawo nga dili Judeo, sila nakugang. Apan si Pedro misulti kanila nga siya nakakat-on nga ang ebanghelyo ni Jesukristo alang sa tanan. (Tan-awa sa Mga Buhat 10:1–48; 11:1–18.)

Panag-istoryahanay sa Pamilya

Basaha ang Mateo 28:19–20. Hisguti kon sa unsang paagi kita mopakigbahin sa ebanghelyo ngadto sa tanan. Hunahunaa ang mga pangutana sa inyong mga higala o mga silingan mahitungod sa ebanghelyo. Mahimo kamong magpraktis sa pagpangutana ug pagtubag sa mga pangutana pinaagi sa pag-role play uban sa inyong pamilya.

Kanta: Mopili og kanta mahitungod sa misyonaryo nga buhat, sama sa “We’ll Bring the World His Truth” (Children‘s Songbook, 172).

Kasulatan: Mateo 28:19–20

Video: Adto sa Biblevideos.org sa pagtan-aw sa “Peter’s Revelation to Take the Gospel to the Gentiles.”

Tip sa Kasulatan

Mas makasabut kita sa mga kasulatan kon kita mopakigbahin unsay atong nakat-unan. Basaha ang usa ka tudling sa kasulatan uban sa inyong pamilya ug hisguti unsay gipasabut sa lisud nga mga pulong o hugpong sa mga pulong, unsa ang kahulugan sa mga kasulatan nganha kaninyo, ug unsa ang mga paagi sa paggamit niini sa inyong kinabuhi.

Pagkat-on pa og Dugang

Sa wala pa si Pedro tawaga nga mahimong usa ka tinun-an, siya usa ka mangingisda nga nailhan isip Simon. Si Jesus mihatag kaniya sa pangalan nga Pedro, nga nagpasabut nga “bato.” Human si Jesus mibiya sa yuta, si Pedro mao ang labaw nga Apostol ug nangulo sa Simbahan. Naghupot siya sa yawe, o awtoridad, sa priesthood.

Pangandam sa Pagpakigbahin!

Usa ka paagi aron mahimong usa ka maayong misyonaryo mao ang pagpaningkamot nga mahimong sama ni Jesus. Guntinga ang badges ug isulat ang usa ka kinaiya nga gusto ninyong praktison. Tingali mahimo ninyong paningkamutan nga mahimong “Elder Mabination” o “Sister Mapasalamaton.” Ibutang ang inyong badge diin kini makapahinumdom kaninyo sa inyong tumong.

Elder

Elder

Sister

Sister

Wala: paghulagway pinaagi ni Craig Stapley; tuo: detalye gikan sa Imahe ni Kristo, ni Heinrich Hofmann, sa maayong kabubut-on sa C. Harrison Conroy Co.