Pagpasiga sa Inyong Sulo: Ang 30 ka Adlaw nga Pagsulay

Alang sa kabatan-onan sa Simbahan nga busy sa kinabuhi, sayon kaayo ang pagkabara sa pagbuhat sa mga butang nga naandang buhaton, ilabi na sa espirituhanong mga butang. Magbasa ta sa atong mga kasulatan, mag-ampo, ug magsimba sa samang paagi hapit kada adlaw ug dayon maghunahuna nganong wala man kita mouswag sa espirituhanon.

Ang usa sa labing maayo nga paagi sa pagpadayon sa pagpasiga sa inyong espirituhanong sulo mao ang pagsiguro nga kamo adunay makahuluganon nga espirituhanong mga kasinatian. Apan mas sayon kini sultihon kay sa buhaton, mao nga aniay sugyot sa pagtabang kaninyo nga magpadayon sa paglambo sa espirituhanong paagi: Paghunahuna og kalihokan nga may kalabutan sa ebanghelyo nga wala pa ninyo mabuhat kaniadto (o talagsa kaayo buhaton) ug mopasalig sa pagbuhat niini matag adlaw sulod sa usa ka bulan. Makasugod kamo sa ginagmay tungod kay inyong makita nga mas sayon ang paghimo sa gagmayng mga kausaban ngadto sa malungtarong mga kausaban. Ang pagbuhat og mga butang nga gawas sa atong espirituhanong kahayahay tingali magkinahanglan og dugang nga pagtuo ug paningkamot sa atong bahin, apan kon kita mobuhat niini, kita nagdapit sa Espiritu Santo nga makig-uban kanato, ug nagpakita kita og mas dakong hugot nga pagtuo sa Langitnong Amahan ug usa ka tinguha nga mas mapaduol ngadto Kaniya. Aniay pipila ka ideya aron kamo makasugod: