Tei n Ninikoria i Ethiopia

Iroun Amie Jane Leavitt

E maeka te tia korokaraki i Utah, USA.

Arau bon Tsion!

I maeka i Ethiopia, itinanikun te kaawa i mainikun Aberika. I tatangira te butibooro ao te wareware. Ao I tangiria ni kan riki bwa te taokita ngkana I a ikawai. I kataia n tei n ninikoria ni maiuakina te euangkerio ni katoa bong ao n tibauaia ma raraou!

I Kanga ni Karekea te Koaua

I roko n te taromauri n te moan tai ngke waniua au ririki. I wareka ana Boki Moomon, I ongora irouia mitinare, ao I tataro. Te Tamnei e tuangai bwa te Ekaretia e koaua, ao I tangiria ni bwabetitoaki. Te euangkerio e anganai te kukurei.

I Buokiia Au Utu

Au utu a nanakonako nakon te taromauri, ao e anaa tao teuana te aoa. Ngkana e kua mwaaneu ae uarereke, ti uotia Ngai ma mwaaneu ae e ikawai. I ibuobuoki ni mweengara n toboki bwain amwarake ao ni kaitiaka te auti.

Au Mwakuri n te Ekaretia

Mwakoron te taromauri ae mamaten nanou bon te toa. I kaira te katangitang.

I tangiria n reiakina taekan te euangkerio. Au karaki ae mamaten nanou n te boki ae tabu bon karakinan Tawita ao Koria. Au anene ae mamaten nanou bon “Karaki man Ana Boki Moomon.”

Tibwaua Te Bwai ae I Ataia

I tuangiia raoraou n te reirei taekan te euangkerio ae kaokaki. Temanna raoraou e aki toki n titirakinai taekan te Ekaretia—imwina n te tai ae waekoa e a manga toki. I titirakinna bukin tera. E taku bwa a un ana karo. Au kantaninga n te bong teuana ao ana karo a na bitaki aia iango.

Tera Nanon Tei n Ninikoria Nakoiu

“Tei n Ninikoria” nanona maiuakina te euangkerio ni katoa bong. Tamara are i Karawa ao Iesu a tangirai bwa N na Kakoauaia! I tangiriia raoraou ni kabane ni katobibia te aonaaba n tibwaua te euangkerio ae kaokaki ma raoraoia.