2016
Moronaai, Tinau, ao te Reirei ibukin Maiu
Tianuare 2016

Moronaai, Tinau, ao te Reirei ibukin Maiu

Iroun Louisa Hoe

E maeka te tia korokaraki i Singapore.

Te reirei man Ana Boki Moomon e buokai n ataia ae iaki tiku n tingai n tamnei.

Moroni (Book of Mormon prophet) kneeling beside a tree as he places the gold plates into a box. The box is lying in a hole dug into the ground. There are trees in the background.

Kamatata man Moronaai Taunii Bwatua, iroun Gary Ernest Smith

A mwaiti bwaai aika bitaki ibukiu ngke e a koro au ririki ni maiu 17. I karikirakeaki nakon te reirei ae boou ao ni waaki nako nakon au kateniua n ririki n te tieminari. Tiaki ti anne, ma iai naba au tia reirei n te tieminari ae boou: bon tinau.

I taekinna ae ti ngai ana ataei n te kiraati? Ngkai te reirei are n na nako ni kaea bon teuana te aoa kaeakina n te turein man te tabo are I maeka iai, e iangoia tinau bwa e na reireinai te tieminari n te karangaina ni mweengara bwa iaonga n roko n te reirei iaon te tai. I rangin n tekeraoi ni karekea bwa e na reireinai ni katoabong, ma teutana te nako-nnano. N na kakauongo raoi nakoina, are e riki bwa au kangaanga n, 5:30 n te moaningabong.

Ngke ti kamatebwaia Ana Boki Moomon, ti roko iroun Moronaai, te burabeti ae I rangi ni kamoamoaa. E ngae n anne, I a tia n titiraki n tainako: Bukin tera ngkai Moronaai bon ti ngaia? Bukin tera te Tama are i Karawa e aki kanakoa temanna bwa e na raonna? Bukin tera e aki tangitang ngke te Uea e katikua n tingaia ni katia ana Boki Moomon?

E kabwarabwara tinau bwa ibukin kororaoina ao ana onimaki iroun te Tama are i Karawa, e ataia Moronaai bwa e aki tiku n tingaia. Iai irarikina te Tama are i Karawa ao Iesu Kristo ae a na buokia ni katia Ana Boki Moomon. I kunea imwiina bwa e aki kainnanoa temanna Moronaai bwa e na mena ikekei ibukina bwa e ataia ae iai temanna te tamnei ae mena ikekei, ae tarataraia. E ataia ae te Tama are i Karawa e na aki kona ni kitana rarikina.

Iai mwiin anne ae korakora irou. I ataia ngkai bwa n tainako ngkana I iangoia ae ti ngai, I aki tiku n tii ngai ma iai raoraounakiu ae te Tamnei ae Raoiroi, ae buokai ni kaaniai ma Tamau are i Karawa ao Iesu Kristo. I ataia bwa ngkana I teimatoa n iai au onimaki iroun te Uea ao n onimakinna, N na bon aki kona n tiku n tingai.

Te reirei ae onoti aei ka korakora au onimaki ao au koaua iroun te Tama are i Karawa ao Iesu Kristo. E ngae ngke I raraoma ni karaoan te tieminari ni mweengau, I kakaitau ngkai ibukina bwa e a tia n anganai te atatai ni kamatebwai ae onoti ma bon tinau.