2 Nibwaai 31:20

Te Botoniango ibukin te iwawaki n te ririki aei e buokiira n noria bwa ti na kanga ni waakirake n tei ni matoa.

20 Ngaia are, ko riai ni waaki nako man teimatoa iroun Kristo, karekea tamaroan otamwakan te kantaninga, ao ana tangira te Atua ao aomata ni kabane. Ngaia are, ngkana ko waaki nako, n amwarake n ana taeka te Atua, ao teimatoa ni karokoa te toki, taraia, e taku te Tama: Ko na karekea te maiu ae akea tokina.

Teimatoa ni karokoa te toki

“Te kataaki n tangiran te Atua e karaoaki ibukira bwa ti na kona ni kamaiuaki rinanon kangaanga. E na taraira ngkana ti kona n teimatoa raoi. Ti tokanikai iaon te kataaki man kaotana bwa ti Uringa ao tuua ake E anganiira.”

Beretitenti Henry B. Eyring, Moan Kauntira n Moan Beretitentii, “Ni Korakoran te Uea,” Riaona, Meei 2004, 17.

Ko riai n karekea te maiu ae akea tokina

Rinanon Ana Mwakuri ni Kamaiu Iesu Kristo, te Tama e berita nakoira te maiu ae akea tokina—ti na riki n ai Arona—ngkana ti karaoai bwaai aika raraoi. Aikai tabeua ake taekinanki n booki aika tabu iaon bwaai akanne:

Kakukurei ngkami n ana taeka te Kristo

“N amwarake e nano riki nakon katoonga. N amwarake e nanonaki nakon kakukureiko. Ti katongii booki aika tabu man kamatebwaiaana inanon kukurein te tamnei n kunei ao kakaonimaki n ongotaeka. Ngkana ti kakukureira n ana taeka Kristo, a … riki n kakawaki n mwakoron aroarora.”

Beretitenti Russell M. Nelson, Beretitenti n Katengaun ma Uoman n Abotoro, “Maiu iroun Kakawakin te Tamnei,” Ensign, Nov. 2000, 17.

Ana tangira te Atua ao aomata n kabane

“Ana tangira te Atua ao aomata n kabane” rabun tuua ake korakora ni kauoua (taraa Mataio 22:37–40). Te taeka teuana ibukin te akoi n te tangira e na riai tangira ae kororaoi, ke itiakin ana tangira Kristo (taraa Moronaai 7:47).

Otamwakan te Kantaninga ae Kororaoi

“Ngkana e kitaniira te mamaara n arora n kan nanoangaaki ao kataakiira, ‘otamwaakan te kantaninga’ karekea te ota irouia n tatabemaniia. E nooraki aia onimaki, ao bwaai a reke ibukin aia onimaki! … N tabetai inanon korakoran te roo ae nano bon akea te oota n te aonaaba ao mai irouia tabeman—tii te oota mai karawa n te kantaninga ae e na kaira te kawai ao ni kakoaua.”

Unimwaane Neal A. Maxwell (1926–2004) man te Kooram n te Tengaun ma Uoman n Abotoro, “Brightness of Hope,” Ensign, Nobembwa 1994, 35.

Waaki Nako

Tera ae ko tangiria n karaoia ngkana ko waaki nako n kawain te maiu ae akea tokina? Wareka te bwai ae a karaoia aomata ni miin Riaai ibukin te aroka ni kamaiu (taraa 1 Nibwaai 8:30). Ko kona ni uring tabeua katooto man booki aika tabu?

Teimatoa iroun Kristo

Teimatoa nanona teei ni matoatoa, n aki mwaing. Teimatoa iroun Kristo nanona te onimaki Irouna ao te ongotaeka nakon Ana tua, n raonaki ma karekean otenanti ao karaoana ao kawakinan berita aika a tabu.