Waaki Nako
Ko a tia n iangoia bwa ko na nakea ao iaa ae ko tangiria n toki iai? Te botoniango n te Miutuo ibukin 2016 bon 2 Nibwaai 31:20, ao te kibu ae teuana aei e anganiko itiua reirei ibukin kawaim n te maiu aei. Inanona ao ko na kunea tamaroan kairakira te kaetieti, te mwakuri, te anua, te kamatebwai, ao te kaniwanga aika a taekinaki iroun te Atua, n raonaki ma te kaniwanga are E beritan nakoira ibukin ara kekeiaki. Ti na tarai taeka aika kakawaki n te kibu aei.
Ni waaki nako e nanonaki bwa ko a tia ni kantaningaki bwa ko na karaoa te kekeiaki ae koaua ni kaitarai waaki ni kakaitara. Ti riai ni karikirakea te korakora ni maiuakina te euangkerio ibukina bwa ti katobibiaki ma kakaitara nakon ana tua te Atua n te aonaaba aei.
Ko teimatoa ni matoatoa iroun Kristo? Ko matoatoa n am onimaki nako Ina?
Ngkana ko “maeka i Nanona” (taraa Ioane 15:4) ao n irii Ana reirei, ngkanne ko bon matoatoa ni koaua ao a na roko raoi nakoim kakabwaia.
Am kantaninga ao am tangira ibukin te Atua ao aomata ni kabane e rikirake ngkana ko ota ao n namakina ana tangira te Atua i bon iroum. E rikirake te ota aei ngkana ko teimatoa n amwarake n ana taeka Kristo, are, ngkana ko kamwakuria ana taeka Kristo nakon maium ma te kakaitau ao ma te kantaninga ae korakora.
Ao n tokina, ko riai n teimatoa! E aki tara ni kakua ao ni kabotu anne? Ni koauana, te teimatoa e kona n nanonaki bwa ko na waaki nako ma te raoiroi n te bwai ae ko karaoia—n te aro bwa ko na teimatoa n am kekeiaki ni waaki nako. Ngkana ko teimatoa n tiku ni kawain te euangkerio, ko kekeiaki.
E uaana karaoana? Eng Tamara are i Karawa ae e tangiriira bwa ti na oki nako Ina, ni karekea te maiu ae akea tokina ma Ngaia ibukina bwa E ataia bwa ngkana ti karekea te maiu ae akea tokina ti na karekea te kukurei ao te kimwareirei ni koaua ae aki toki iaon ae ti kona n iangoia ngkai. Anne bukina ngkai e a tia ni kabwarabwara ao ni kamatata raoi n te ka 2 Nibwaai 31:20, te bwai ae ko riai ni karaoia n oki nako Ina. Ti kona ni karaoa aei ma Ana ibuobuoki. E na katauraoa te kawai n taainako ibukira ni karaoa te bwai ae E tangiria.