Iango Ibukin Bootakin te Utu n te Tairiki

Rongorongo aikai iai inanona rongorongo ao waaki ni kakukurei ake a kona ni kaboonganaaki ibukin bootakin te utu n te tairiki. Aikai uoua katooto.

“Nakomai, Iriirai: Aan Reirein te euangkerio n te Mweenga,” iteraniba 28: Iai n te beeba ni kaongora aei iango n angareirei ao ni kamatebwai ibukin onoua taobiki. Ko kona ni kabongana te iango n aia taobiki kairake inanon Tianuare, Taian Atua, n te bootaki n utu n te tairiki. Ko kona naba n rinanona n te utu te kawai ni kamatebwaiakan beeba ni kaongora ao ni maroroakinna bwa aekara kawai aikanne aika a tia n rangin n ibuobuoki ibukin am utu. Ko kona ni kaoia kaain te utu bwa ana kabonganai kawai aikai ni katauraoi reirei n te bootaki n utu n te tairiki aika boboto iaon atuun te euangkerio n te beeba aei.

“Te Mwananga n te Rereua,” iteraniba 76: Iangoa karaoan te reirei ae uarereke ni mweengam, tao manga barongakin bwain nanon te auti ao ni kabaei taian kora inanon te auti. Kabae mataia ni kabane kaain te utu bwa ana aki kona n noraba ma ti temanna ae na tuangiia ni kiraia kaain te utu bwa ana kanga ni kunea te kawai n rin. Imwiina ao ko na maroroakinna bwa e kanga te Tama are i Karawa ni kaira Nibwaai ao ana utu nakon te aba ni berita. Ko kona ngkanne ni maroroakin kawai ae a tia ni katauraoia te Tama are i Karawa ibukim ao am utu bwa e na buokiko ni kona ni kaokiko n okira mweengam ma te kamanoaki nako Ina.