Ana Angabwai n Aki Mamatam Wilford

Iroun Unimwaane Chi Hong (Sam) Wong

Man te Itingaun

Teuana te bong I noora natiu te mwaan ae au karimoa, Wilford, e katauraoa ana tinaniku ni kabwianibwai. E nang koro tao nimaua ana ririki n te tai anne. Akea ana kareke mwane Wilford, ngaia I mimi e na kanga ni kabwaka ana kabwianibwai. Ngke I titirakinna, e tuangai bwa e bon kabwaka raoi te angabwai n aki mamatam.

Bon akea oin ana mwane Wilford ae tau. Ma e bon teimatoa ni kukurei ni kabwaka te angabwai n aki mamatam.

I rang ni kukurei n te mwakuri n akoi aei. I titirakinna e aera e iangoa karaoan aei.

E kaeka Wilford, “Akea te bwai ae I kainnanoia. Ma I ataia ae a kainnanoia tabeman.” E ataia bwa ana mwane a na bon buokiia aomata. E rang kukurei n taekana anne.

Te katooto ae bebete aei e reiakinai te reirei ae tamaroa: ataei a rang n reitaki ma te Tamnei ao a karekea te tangira ae ai aron ana tangira Kristo. Iai ana bwai Wilford ae e aki kainnanoia ao e ataia e na buokiia iai tabeman. E bon kukurei ni karaoa te anganano.

Kawakinan te mwane e tamaroa. Ma natiu te mwaane ae te kairake e reireiai teuana riki te reirei rinanon ana katooto. Man te kakauongo nakon te Tamnei, ti kona ni kakabwaiai maiuia tabeman n tibwauai bwaai aika iai iroura.