Kakaean Kawaiu Rinanon te Nangiroo
Juventa Vezzani, California, USA
Kamataata n n te Korotamnei iroun Stan Fellow
Tabeua te ririki n nako I mwananga rinanon te tai ae moan te kangaanga inanon maiu. I kaaitara ma kangaanga aika matoatoa aika a mwaiti, ao I namakina te nanokawaki ae korakora ao n taonaki n te rawawata ae korakora.
N taromauri n Taabati, I taratara nako n nooria utu aika kukurei n anenei anene n taromauri ao n namakina ana tangira te Atua. I tangiria n namakina naba anne, ma iai te bwai ae I namakinna ae bure.
I a tia n namakina te Tamnei ngkoa, ma I aaki kona namakina te Tamnei n te tai ae maan. N aron kabwarabwaran noraaban Riaai n nora te aroka ni kamaiu, namakinna bwa I katomimiaki n te nangroo—I aki nora te aroka n kamaiu (taraa 1 Nibwaai 8:2–24).
Ngke e waaki taian tataro n toa, I kamatuui matau ao n tataro nakon Tamau are i Karawa, ni bubuti kakoauakin Ana tangira. I tuangnga bwa e aera I aki kona ni katoonga uaan te aroka ni kamaiu.
Ngke I iangoa raoi nanon miin Riaai, I karekea mwaakan au atatai. “E aera I aki kaman uringa aei mai mwaina?” I iangoia. Te mwananga rinanon te nangiroo bon bwaninin mwakoron ana babaire n te Atua. E anganiira ara taneiai rinanon kangaanga n te tai teuana ma teuana bwa ti kona ni kaetiira n Onimakinna ao Natina. Te kiing bon tii kamatoaan tauan te kaibiti. I noorai inanon te nangiroo, ma iai au kantaninga.
Ngke ea nako te namakin aei man au iango, I namakina karewen te karaunano man te Tamnei ae Raoiroi bwa e a nako kataakiu. Te Tamnei ae Raoiroi e kakoaua bwa Tamara are i Karawa e mena ikekei. I kaoa te ran ni mata mai matau, I kukurei bwa I a tia ni kona n namakina riki te Tamnei.
I moanna ni kakorakora au kamatebwai man booki aika tabu. I teimatoa ni karekei karawawata, ma ngkana I taua ni kamatoa te kaibiti—ana taeka te Atua(taraa 1 Nibwaai 11:25)—N na kainaomataaki man te nangiroo. I aki koaua raoi iai bwa maanra, ma te bong teuana N na manga bon namakina riki ana tangira te Atua. Ti tebo ma aabuen te riringa imwiin te tai ni kamwaitoro ae abwabwaki.
Ngkai I a tia ni korakai n tabetai ni kakaewenako inanon maiu, I a tia n uringa te berita ni kamatoa te kaibiti man kamatebwaian booki aika tabu ao aia taeka burabeti. I ataia bwa ngkana e roko te nangiroo, iai buokau ae kakaawaki n nora kawaiu n teimatoa n rinanona ao te berita are N na bon butimwaeaki iroun te Uea ma te tangira n iterana are teuana.