I Kinaa ana Taeka te Atua
José Evanildo Matias Fernandes, São Paulo, Brazil
Kamataata n te tamnei iroun Allen Garns
Ni menau n te marae ni wanikiba tabeua te ririki n nako i São Paulo, Brazil, I noora te boki ma nnena ae atuunaki “Ana Boki Moomon: Kakoauan Iesu Kristo.” I nanououa bwa aomata inanon ara aonaaba, e rikirake manga butimwaean te boki riki teuana ni kakoauan Iesu Kristo, ao I kabanea bonging te wiikente n iangoa te boki aio.
N tokina, I aki kona ni katoka nanou aio, ao I a okira te titooa ni boki bwa N na karekea. Ngke I a roko, e ngae n anne, I aki kona ni kunea. I kabwarabwaraa te boki nakon e tia boobwai, ma e taku bwa e bon tuai n nooria. Ke teuana e aki kona ni kakaea rongorongona, e ngae ngke a bane ni katokaaki aekakin booki ni kabane ni nneia ake a baireaki iai.
Imwiina riki n te tabo n anai bwainaoraki, I noora te boki ae uki n tangaina iaon te kaaunta. Ngke I moanna ni warekia, I reiakina rongorongon te mwaane ae arana Korioa are e kamatoa n nanououa n aki kakoaua mwaakan te Atua ao n tokina e bae newena. Ngke I iangoi taeka ake I wareki, I kinai bwa bon mairoun te Atua.
N te tai aei I tabe ni kakaea te kaetieti mairoun te Atua. N te bong teuana I katorobubua ao n tataro ma te korakora ni butia te Atua bwa e na kaota te kawai ae eti are e na kairai Nakoina. Tabeua te bong imwiina e a taonaki n te mamaara natira te mwaane, ngaia are I a manga okira te te tabo n anai bwainaoraki. Ngke N nang taonnako, a rin teniman kairake mai Amerika ma aia neimtaeki n nim iaoia. I waekoa n namakina te rau inanou, are e kaira nanou bwa N na taetae ma ngaiia.
A tuangai bwa a mena i Brazil n taetaekina ana euangkerio Iesu Kristo. I titiraki ngkana a kona n reireinai, ao ti bairea ara tai ni kaitibo.
Ngke I ongo rongorongon te Burabeti Iotebwa Timiti n te moan tai, I ataia bwa e a tia ni kaekaaki au tataro. Ngkanne a anganai te boki mitinare. Ni miimiu, bon ana Boki Moomon—n aron are I nooria ni nnen booki. I a manga namakina te namakin ae kakukurei are I aki kona n taetae.
A kabwarabwaraa tein raoi te boki mitinare ao a butiai bwa N na tataro ao ni butia te Atua ngkana e koaua. I a kaman ataa koauan ma tabun te boki aei, bwa e a tia ni kaotia te Uea nakoiu—uatai te tai. Ma e ngae n anne, I tuoia n rongorongona ae bwarabwara raoi. Ni warekan mwakoro 17 n 3 Nibwaai, I ataia bwa iai inanona te rongorongo ae tabu ibukina iai inanona ana taeka Iesu Kristo.
Aan au koaua n ataakina bwa ana Boki Moomon iai inanona ana taeka te Atua. E a tia ni bitai ao n reitinako ni bitai.