Raoraou e a tiotionako man te Ekaretia ibukina bwa tabeman a bwainingareia. Tera ae I riai ni karaoia?

Bwaai aika riai ni karaoaki aika tamaroa n te bwai ae riki bon: (1) te akoi, tangira, ao ni butimwaea raoraom ao (2) e na aki mamaara am koaua.

Ngkana ko karaoi bwaai aikai, te kaantaninga bwa raoraom e na namakina am tangira ma am butimwaai ao ni kan mena irarikim. Ao riki bwa, te kaantaninga e na taraia bwa te bwaningare ao te kakaniko bon bwaai aika buakaka ao temanna are e kororaoi n ana mwamwannano ma ana iraorao e na aki urua ana onimaki temanna.

Am katooto e kona n riki bwa teuana mai buakon bwaai aika tamaroa are e kona n reke iroun raoraom. Riiki n ai aroia aomata akanne man miin Riaai ake a katoonga te kai ni kamaiu ao a kaenaenaaki irouia naake n te kateitei are e rangi ni bubura man korakora ma “a aki kan mutiakin aia taeka” (1 Nibwaai 8:33). Ngkana e nooriko raoraom n tabekarake am koaua ao n tei ni katarai aia kakaniko tabeman ma kakawakin temanna, karinerine, ao te anua ni kamanga ae tamaroa, teuanne e na nooria bwa e kona naba ni karaoa naba anne. Ngkana e teimatoa n iai wakaan te kakoaua inanona, te katooto are ko karaoia ao te kakoaua are ko anga tao bon tabeua bwaai ake e buokia n namakina te Tamnei ao n uringa bwa e a tia n ataia mai imwaaina.