Autalavou

Tausia o Poloaiga ma Alofa i Isi

Pe a tatou mafaufau i le alofa, e masani o le mea muamua e oo mai i le mafaufau o ata tifaga o le alofa logoitino, sukalati, ma fugalaau. Ae o le alofa—alofa moni—e sili atu le loloto ma e sili atu le le manatu faapito nai lo lena. Na soifua Iesu Keriso mo i tatou ma na maliu mo i tatou ona o Lona alofa mo i tatou. O le mea moni, o poloaiga sili e lua o le alofa i le Atua ma le alofa mo isi tagata uma (tagai Mataio 22:36–40). Ae e faapefea ona mafai ona tatou faaalia i isi tatou te alolofa ia i latou?

Ua faasoa mai e Peresitene Uchtdorf le faataoto a Keriso i atalii e toalua, o le tasi na galue mo lona tama ma le isi e lei faia. Ua faamanino mai e le Faaola e na o le atalii na usiusitai i lona tama na alofa moni lava ia te ia. E faapena foi, pe a tatou usiusitai i poloaiga a le Atua, ua tatou faaali atu tatou te alolofa ia te Ia ma mananao e toe foi atu ia te Ia.

Ae e faapefea ona tatou faaalia tatou te alolofa i isi tagata uma? Ua faamatala mai foi e Peresitene Uchtdorf lena mea: “Afai tatou te alolofa moni i o tatou uso a tagata, tatou te tuuina atu i tatou lava e fesoasoani ‘i e matitiva ma le tagolima, e mamai ma puapuagatia.’ Aua o i latou e faia nei faatinoga le manatu faapito ma le auaunaga, o soo ia o Iesu Keriso.”

O lea la o le isi taimi e te vaai ai i ou matua, se tei, po o se uo, mafaufau e uiga i le auauna atu ia i latou e faaalia ai lou agaalofa mo i latou. E le gata o le a faafiafia ai i latou ma oe, ae o le a faafiafia ai foi lou Tama Faalelagi.