Ua Asiasi Iesu i Tagata Sa Nifae

Ao soifua Iesu i le lalolagi, na Ia faamalolo tagata o e na mamai pe mafatia. Na Ia aoaoina tagata i le ala e tatalo ai. Na Ia faamanuiaina fanau.

Na Ia valaaulia Aposetolo e 12 ma tuu atu ia i latou le faamanatuga e fesoasoani ia i latou e manatua ai o Ia.

Ona maliu ai lea o Iesu ma na toetu mai.

Ina ua Ia toetu mai, na asiasi atu Iesu i tagata sa Nifae, o e na nonofo i le isi itu o le vasa.

Na Ia valaaulia soo e 12 ma tuu atu ia i latou le perisitua. Na Ia faamaloloina tagata o e na mamai pe mafatia. Na Ia aoao tagata i le ala e tatalo ai. Na ifo i lalo tagata uma ma tapuai atu ia te Ia.

Na tau atu e Iesu i sa Nifae e aumai a latou fanau ia te Ia. Na Ia tatalo, ona Ia faamanuia ai lea o tamaiti taitoatasi. Na o mai agelu ma asiasi mai ia i latou.

Na tuu atu e Iesu i sa Nifae le faamanatuga ina ia latou manatua pea o Ia.