Ajri Ro Rej Jutak Peran
Juon Bwebwenato kōn Story
Iakwe, ro m̧ōtta!
Eta in Story. Ikar Jokwe ilo Turkmenistan. Juon laļ ilo Asia en. Em̧m̧an ippa riit, jin̄a, im keke. Em̧m̧an ippa lali iju ko ilan̄ ippān jema. Baam̧le eo aō im n̄a kar meke wōt ro uwaan Kabun̄ in ilo aolepān laļ en!
Jar kake Missy
Juon raan ālkin juon lan̄ eļap, kuuj eo nejin eo m̧ōtta, Missy, eaar jako. Kōm̧ eaar pukote aolep jikin, ak kōm̧ ar jab maron̄ loe. Iaar ba kōm̧ maron̄ ke jar. Ro m̧ōtta raar jaje kilen, kōn menin iaar kwaļo̧k kilen. Kōm ar aolep bukwelōlō im kajjojo rej make kōm̧m̧ane jar ko aer. Innām kōm̧ ar jutak im bar jino pukote. Juon leddik eaar etttōr tok n̄an ippam̧ im ba ke eaar lo Missy! Iaar m̧ōņōņō bwe iaar kwaļo̧k jidikin gospel eo ippān ro m̧ōtta.
Ekkatak jān Doon
Leddik eo jatū, Sariah, im n̄a kar etal n̄an juon jikuul eo ippān ajri ro jān elōn̄ laļ ko. Em̧m̧an ippam̧ ekkatak im limo ippān doon.
Kwaļo̧k kapeel im limo
Sariah im n̄a kar kūr tok ro m̧ōttam̧ tok n̄an ikkure. Kōm̧ ar uno, kwaļo̧k kapeel ko, im jidik piknik. Ilo iien Kūrijm̧ōj eo kōm̧ ar kōm̧m̧an juon jikin ļotak an Kraist ippān ro riturum̧.
Kabun̄ in ilo Kapijuknen
Kōnke kōmij make wōt ro uwaan Kabun̄ in, kōm̧ij kōm̧m̧an amim jar ilo m̧weo. Kōm̧ij kōm̧m̧ane kweilo̧k in kwojkwoj eo, al, kwaļo̧k, im katak ko an Būraimere. Ij kōjan̄jan̄ ilo piano ilo iien al.