Bwebwenato ko ilo Bok in Mormon
Jibadōkļo̧k Ānen Kallim̧ur
Jān Ether 2–3;6
Jared im ļeo jein raar jokwe ilo juon kom̧laļ ippān baam̧le ko aer im ro m̧ōttāer. Jisōs Kraist eaar loļo̧k ļeo jatin Jared. Eaar jiron̄ e bwe jek wa ko n̄an bōk armej ro an n̄an kijon lo̧m̧aļo n̄an āneen kallim̧ur.
Armej ro raar jeki wa ko im ejjeļo̧k wūntō ie. Ļeo jatin Jared eaar inepata elemen aer naaj emenono im loe m̧aan. Jisōs eaar ba ren kōm̧m̧an ettaļ ilo wa ko n̄an bōk mejatoto.
Akō meram? Ļeo jatin Jared eaar kōm̧m̧ane 16 dōkā ko rerreeo. Eaar kajjitōk ippān Jisōs bween jibwe kōn addiin Pein n̄an kōm̧m̧an bwe ren ebbōļ.
Ļeo jatin Jared eaar lo an Jisōs jibwe kajjojoj dōkā kōn addiin Pein. Dōkā ko raar ebbōļ aer romaak. Kōnke eaar ļap an tōmak, ļeo jatin Jared eaar lo Jisōs Kraist!
Anij eaar jilkintok kōto eļap n̄an pook ļo̧k wa ko ilo lo̧m̧alo̧. Ke rej tōpar ļo̧k āneen kallim̧ur, RiJared ro raar jar im kam̧m̧oolol Anij kōn An kar kōjparok er.
Jemaron̄ in āinwōt ļeo jatin Jared n̄e jej leke Anij im wōr tōmak ilo Jisōs Kraist. ◼