Ļōmņak ko n̄an Nokon in Jota eo an Baam̧le

Bok in epād ie bwebwenato im m̧akūtkūt ko me remaron̄ in jerbal n̄an iien Nokin in Jota eo an Baam̧le. Laajrak in ej ruo waanjon̄ak ko.

“Ajri Jiddik ro im Kwojkwoj eo,” peij 16: Ālkin riiti bwebwenato in āinwōt ro jinen im jemān, komaron̄ kōnono kōn wāween ko im komaron̄ katakin ajri eo nejūm̧ edik kōn aorōk eo an kwojkwoj eo im bujen ko me renaaj kōm̧m̧ani juon raan n̄e renaaj peptaij. Komaron̄ kōjerbal jar in kwojkwoj ko (loi ilo Katak im Bujen ko 20:77, 79) n̄an katakin kōn kallim̧ur ko jej kōm̧m̧ani n̄e jej peptaij im wāween ad bōk kwojkwoj eo kajjojo Jabōt im kōtļo̧k ad kōkāāli kallim̧ur kein. Komaron̄ in barāinwōt pukōt jet ļōmņak ko n̄an jipan̄ ajri ro nejūm̧ reddik ļōmņak wōt kōn Rilo̧mo̧o̧r ilo iien kwojkwoj eo, āinwōt ejaaki bok in pija ko robrak kōn pija in Rilo̧mo̧o̧r.

“Juon Iiōk in Kōmat n̄an Ekkatak,” peij 62: N̄e ewōr nejūm̧ ajri ro remaron̄ katak jeje ko rekwojarjar ippāer make, bōlen em̧m̧an n̄e kwoj riiti bwebwenato in ippāer im kajjitōk ippāer n̄an kajjieon̄ ļoor ļōmņak kein jān bwebwenato in. Komaron̄ kōm̧m̧an bwe kajjojo ro ilo uwaan baam̧le eo ren kōm̧m̧ane juon aer jōnōļ in ekkatak im kōm̧m̧an kōttōbar ko bwe ren jeje ilowaan aolep iien. Ro uwaan baam̧le eo remaron̄ jipan̄ kwaļo̧k ļōmņak ko im im̧we ko jān jōnōļ eo aer ilo nokon in jota ko an baam̧le iien ko tokālik.