Naan in Kanaan ko ilo JUON Jikin eo Ejjeļo̧k kar Kōtmāne kake
Rijeje in ekar jokwe ilo Argentina iien in im ļeo pāleen ej jerbal āinwōt juon mijen būreejtōn.
Juon māākjiin eo kar joļo̧k e enaaj ukōt mour eo an Oscar Castro n̄an indeeo.
Oscar Castro ekar peptaij im kar kapen e n̄an Kabun̄ in ālkin an kar loe juon kōnono an kweilo̧k eo eļap jān Liaona eo ilo m̧weo ekar em̧m̧akūt tok n̄an e.
Kōmeļeļe jān Dan Burr; pija ko kar litok jān rijeje eo
Raan eo kōrā eo pāleen Oscar ekar etal jāne im ajri ro ruo nejin ekar juon iaan raan ko reppen ilo mour eo an. Elōn̄ jokālet ko raar aikuj in kōm̧m̧an. Ekar kappok an jerbal, im kiiō enaaj enaaj kar aikuji juon jikin ekāāl bwen mour ie. N̄an e ekar āinwōt mour eo an emōj kakkure. Ekar ļōmņak ippān make bwe emōj, im emaron̄ kar bōk ļōmņak in ak eļan̄n̄e en kar jab ajri rein ruo nejin.
Ilo San Juan, Argentina, ejjab lōn̄ mōko reppeļļo̧k n̄an rent im Oscar emaron̄ kōļļā wōņāer. Ak juon em̧ jidikdik ilo juon jikin em̧m̧an kar juon kumi in ļaddik ro rekar em̧m̧akūt jāne im ejjeļo̧k kobban, innām Oscar ekar rent e im kōpooje n̄an jino juon mour ekāāl ippān ajri ro nejin.
Ilo m̧weo m̧weer ekāāl, ekar lōn̄ jet māākjiin ko im bok ko rekar pād ioon biļoor eo, im ālkin an kar jerbal im karreoik im karōk men otemjej raan eo, Oscar ekar jijet laļļo̧k im lale juon iaan māākjiin ko. Kōbar eo ekar kaitoktok limo ippān kōn jet un ko. Itulaļin taitōļ eo, Liaona, ekar wōr juon pija in juon em̧m̧aan erūtto im ej jutak ioon juon tawōr kōnono n̄an armej ro. Em̧m̧aan in ekar kakeememej e kōn pija in rikanaan ro ilo baibōļ.
Oscar ekar kōppeļļo̧k māākjiin eo im jino riiti, “Kōj kajjojo emōj ad jeļā bwe jej aikuj ba n̄an armej ro jej iakwe er ke jej iakwe er. Bōtaab ta eo jej jeļā ej jab aolep iien kōmeļeļeik ta eo jej kōm̧m̧ane.”1 Oscar ekar ļōmņak kōn naan ko rekkan̄ armej rej kōnono kaki kōn e im kōrā eo pāleen. Ekar aikuj in katakin ajri ro nejin bwe ren em̧m̧an ļo̧k jān jon̄an in. Oscar ekar wōnm̧aanļo̧k wōt im riiti māākjiin eo, im ekar jino en̄jake juon kōjatdikdik eo ej eddōkļo̧k ilo e. Mokta jān an kar jem̧ļo̧k wiik eo, emōj an kar kam̧ōj an riiti aolep bwebwenato ilo bok eo im ekar kōņaan in jeļā eļapļo̧k.
Juon allōn̄ tokālik, ruo mijenede ro rekar etetal tok iturin m̧weo imōn Oscar. Oscar ekar kepaak er im kar kajjitōk eļan̄n̄e rej mijenede in Kabun̄ in im jete wōnāān an naaj bar ebbōk māākjiin ko an Kabun̄ in. Elder ro rekar jiron̄ ļo̧k e bwe oņāān eo enej n̄e enaaj joļo̧k 20 minit in iien ko aer ippāer.
Raan eo juon ruo mijenede rekar loļo̧k Oscar ilo m̧weo imōn. Oscar ekar bwebwenato kōn an kar em̧m̧akūt tok n̄an apartmen eo im an kar lo bok ko rem̧o̧r, māākjiin ko, im pamphlet ko rekar kōm̧m̧an bwe en jeļā kōn Kabun̄ in. Ekar kwaļo̧k bwe bwebwenato eo kein kajuon ekar ejjeļo̧k oktak jān mour eo an ilo tōre eo. Emōj an jeļā kadede aorōk in baam̧le im kar kōņaan jeļā eļapļo̧k kōn nokon in jota eo an baam̧le im jar an baam̧le. Ekar jiron̄ ļo̧k ta ko jet ekar ekkatak kōn Kabun̄ in, ekoba kōn Josep Smith im Jepļaaktok eo an gospel eo.
Ekar kalimjek mejān elder ro im ba naan ko aolep mijenede rekōņaan ro: “Ij tōmak bwe Josep Smith ekar juon rikanaan an Anij.” Elder ro rekar kajjitōk ippān bwe en peptaij, im ekar kōmjaļaaļ turin mejān, Oscar ekar ba em̧m̧an. Juon wiik tokālik, Oscar ekar peptaij im kapen āinwōt juon membōr in Kabun̄ in.
Irooj ekar kōpooj Oscar, im jetōb eo an ekar ettā im pojak in ekkatak im eddōkļo̧k. Ilo raan in em̧m̧akūt in, eban meļo̧kļo̧k e, jetōb eo an ennaan ko ilo kweilo̧k eo eļap an Liaona eo ekar un̄ūr būruwōn Oscar. Armej ro m̧weer m̧weo rekar jab jeļā ta eo enaaj waļo̧k n̄e renaaj likūt jejjo māākjiin ko an Kabun̄ in, bōtaab ennaan ko an gospel eo ilo māākjiin ko remaron̄ erom juon kein jerbal eaorōk n̄an mijenede ro. Ilo tōl tok e n̄an m̧ool ko ekar pukōt i, rekar ukōt mour eo an Oscar n̄an indeeo.