Ainikien ko an Armej ro Rekwojarjar ilo Raan-ko Āliktata
Enjeļ ro Etāier Mr. im Mrs. Dunn
Kōmeļeļe jān Wilson Ong
Iaar alooj TV ke jinō eaar kooļ e tok n̄a im ba bwe ļaddik eo jein, Unlepa eo me 92 iiō dettan, im kōrā eo pāleen, aunty Millie, raar nan̄inmej in flu im eaar ejjeļo̧k mōn̄ā ilo m̧weo m̧weer. Barāinwōt ejjab em̧m̧an aer mour n̄an etal im wia ilo mōn wia ko. Ekar ejjeļo̧k an Unlepa Floyd im Aunty Millie baam̧le repaake er, kōn menin ekar ejjeļo̧k rijipan̄ er.
Jinō eaar baj ļōmņak eļan̄n̄e imaron̄ jipan̄. Kar n̄a wōt juon membōr in Kabun̄ in ilubwiljin baam̧le eo aō, im em̧ōj kar bar kooļ eō m̧oktaļo̧k kōn jekjek rōt in. Nana eo ej bwe ikar jokwe ilo Utah, USA, im aunty eo aō im unlepa raar pād ilo Hemet, California, USA.
Iaar ba n̄an jinō bwe en letok jidik iien n̄an ļōmņak ta eo in kōm̧m̧ane. Eaar wōr juon m̧ōtta eo ej jokwe epaakeļo̧k Hemet, kōn menin iaar kooļ e im kajjitōkin e eļan̄n̄e elōn̄ en ejeļā kajjien ilo Hemet. Eaar ba n̄an n̄a kōn juon kōrā eaar jerbal in mijinede ippān ilo Redlands California Temple etan in Sister Dunn eo eaar juon Būreejtōn n̄an Doulul eo an Kōrā ijeņ.
Ke Sister Dunn eaar uwaake taļboon eo an, Iaar jino kōņaan, “Iakwe, Sister Dunn. Kwojjab jeļā kajjieō, ak eta in Nancy Little, im ij jokwe ilo Utah. N̄a juon membōr in Kabun̄ in, ak aunty im unlepa ro aō rej jokwe ilo Hemet rejjab membōr. Renan̄inmej im ejjeļo̧k kijeer ilo m̧weo im̧weer.” Iaar ba n̄an e ia eo rej jokwe ie, eo me eaar lukkuun ettoļo̧k jān ijo ej pād ie, im kōmeļeļeiki ke iaar kōņaan bōk meļeļe kōn juon rejtōōrōn eo epaak n̄an erro bwe ren eppokļo̧k kijeer.
Ijjeļo̧kin, Sister Dunn eaar ba bwe e im ļeo pāleen remaron̄ bōkļo̧k kijen aunty eo aō im unlepa. Ekar wōr kijeer pilawe im joop, im jinen ejkab dedeļo̧k an kōmat jet kukiij. Iaar jab m̧akoko ak iaar kōtļo̧k aer kōm̧m̧ane.
Jet awa tokālik, Sister Dunn eaar kooļe tok n̄a im kalikkar tok bwe aolep men rem̧m̧an. Jino eaar kooļe eō tokālik bwe en ba tok ta eo Unlepa Floyd eaar ba kōn aer kar loļo̧k e. Eaar ba, “Enjel ro raar itaaktok ilo m̧weo imō etāier rej Mr. im Mrs. Dunn. Raar itok kōn elōn̄ mōn̄ā ko: leen wōjke ko, pejtābōļ ko, juup raar kōmate, pilawe, im kukiij. Raar jet kukiij ko reno tata ij kab m̧ōn̄ā.” Dunns ro raar loļo̧k unlepa, raar jipan̄ er kōn aikuj ko aer, innām Brother Dunn eaar kotak Aunty Millie eo emōjņo, eo eaar en̄taan kōn nan̄inmej in Alzheimer, jān peet eo an n̄an jea eo ilo mōn mōn̄ā eo bwe Sister Dunn en kōmōn̄aiki.
Ke Unlepa Floyd eaar kooļe jinō bwe en ba n̄an e kōn aer kar loļo̧k er, eaar jan̄. Eaar ba ejjain̄in kar ioon jet armej ro rejouj im ļap aer kea. Eaar ba n̄an jinō ke Iaar lukkuun jeraam̧m̧an ilo aō jokwe ilo Utah bwe “aolep Mormon” rej pād ipeļaakū.
Emān raan ālkin iien loļo̧k eo, Unlepa Floyd eaar etal im lale māeļpo̧o̧k eo an im eaar jikeet im okjak. Eaar itaak bōran im mej emān raan tokālik. Ijjeļo̧k jipan̄ ko jān nōōj ro, Brother im Sister Dunn raar armej ro āliktata ro unlepa eaar lo er m̧okta jān an kar mej.
Ij kam̧m̧oolol kōn waanjon̄ak ko an Kraist eo juon iaer kōrā ro ilo doulul eo an kōrā eo eaar jokwe jibukwi maeļ etoļo̧k, juon eo me ijjan̄in kar ioon e, eo eaar jipan̄ aunty eo aō im unlepa.