Mga tubag gikan sa usa ka Apostol

Unsaon nako sa pagtabang ang akong pamilya nga magmalig-on?

Ni Elder David A. Bednar

Sa Korum sa Napulog Duha ka mga Apostoles

Gikan sa “Labaw nga Makugihon ug Mabuhaton diha sa Panimalay,” Liahona, Nob. 2009, 17–20.

How can I help my family be strong

Sultihi ang imong pamilya nga ikaw nahigugma kanila ug ipakita kini pinaagi sa imong buhat.

Ipakigbahin ang imong pagpamatuod sa mga butang nga imong nahibaloan nga tinuod pinaagi sa pagsaksi sa Espiritu Santo. Ipakigbahin ang imong pagpamatuod uban sa mga tawo nga imong gihigugma pag-ayo.

Andam nga moapil sa imong pamilya diha sa pag-ampo sa pamilya ug pagtuon sa kasulatan. Aktibong moapil sa family home evening ug himoa kini nga makalingaw.

Pagmatinud-anon sa pagkat-on, pagsunod, ug paghigugma sa gipahiuli nga ebanghelyo ni Jesukristo.