Mga Istorya kabahin ni Jesus
Si Jesus Mihatag Kanato sa Sakrament
Nasayud si Jesus nga ang Iyang panahon dinhi sa yuta hapit na matapos. Iyang gipundok ang Iyang mga Apostoles alang sa Katapusang Panihapon. Mihatag Siya kanila sa sakrament ug mihangyo kanila nga kanunay mohinumdom Kaniya.
Si Jesus miadto sa tanaman aron mag-ampo. Nasakitan siya alang sa tanan nga mga sala ug masulub-ong mga butang sa kinabuhi sa matag tawo. Dayon namatay Siya sa krus ug gilubong sa lubnganan.
Sa Dominggo sa buntag human namatay si Jesus, pipila ka mga babaye miadto sa lubnganan. Ang bato diha sa pultahan giligid na palayo, ug ang lubnganan walay sulod! Asa man si Jesus?
Nabuhi Siya pag-usab! Si Maria Magdalena nakakita ni Jesus. Iyang gibisita ang Iyang mga Apostoles aron sila maandam sa pagtudlo sa ebanghelyo human Siya mibalik ngadto sa langit.
Kon ako moambit sa sakrament, akong hinumduman si Jesus. Nakahinumdom ko nga Siya nabuhi ug namatay ug nabanhaw alang kanako aron ako mabuhi pag-usab!