Pagserbiyo sa Uban inubanan sa Pagtuo

Si Presidente Uchtdorf misulti kanato nga ang atong pagtuo sa Dios kinahanglan nga “maubanan og lihok.” Kon ang atong pagtuo “nakayugo sa makanunayon nga buhat,” siya mipasabut, “mopuno kini … sa mga kalag sa kalinaw ug gugma.” Uban sa saad niini nga panalangin, kita makahimo og kalainan, ug atong makita kini sa atong kinabuhi kon mogahin kita og panahon sa pagserbisyo nga puno sa pagtuo. Mahimo kamong mag-ampo matag buntag aron mangayo sa Ginoo og tabang sa pagserbisyo sa uban. Sama pananglit, pangayo Kaniya nga ipakita diha nimo ang nagkinahanglan og tabang sa buluhaton nga usa sa imong igsoon o usa ka higala nga nagkinahanglan og pagdayeg. Dayon, kon nadawat na nimo ang pag-aghat, buhata kini! Kon kini nga mga pag-ampo ug kini nga serbisyo imong himoon nga usa ka naandang buhat, niana ang imong matinud-anon, makanunayong buhat mopanalangin sa imong kinabuhi ug sa kinabuhi sa uban. Misaad si Presidente Uchtdorf nga ikaw “makausab sa mga indibidwal, pamilya, mga nasud, ug sa kalibutan.”