Jān Paris n̄an Sapporo
Jej jokwe ilo jikin ko roktak iturājet in laļ in, bōtaab en̄jake ko ad rej āinwōt juon ilo an tampeļ ko ekkal ilo ijo epaake kōj!
Eta in Rachel. Ij jokwe epaake Paris France Tampeļ eo.
Tampeļ eo ej lukkuun in aorōk n̄an baam̧le eo aō. M̧okta jān an Paris Tampeļ eo kar ekkal, kōm kōn ilo̧k ilo tūreep ko an baam̧le n̄an Frankfrut Germany Tampeļ eo jejjo iien juon iiō. Eaar bōk 10 awa ko in ettōr ilo wa etal im itok!
Kōmij iakwe alooje tampeļ eo ekāāl kar kalōke. Kajjojoj wiik ālkin jar, ro jinem im jemam kar ettōr iturinļo̧k n̄an am lo ekōjkan an ekkal eo kar kōm̧m̧an. M̧oktata raar rupe im̧we eo em̧oor im kūbwij juon ron̄ eļap. Innām raar jino kalōk tampeļ eo eutiejļo̧k im utiejļo̧k. Ejjab to m̧weo im̧ōn Irooj eaar pād ijo!
Ajri ro jeiū im jatū rej lukkuun laudin̄din̄ n̄an etal n̄an tampeļ eo juon raan. Leddik eo jeiū erūtto tata, kōn menin eo ej im̧aan tata enaaj peptaij. Kōmij aolep ilo ellowetak kōttar iien eo am n̄an ilo̧k barāinwōt. Kōmij iakwe tampeļ eo im m̧ōņōņō bwe ewōr juon ilo lukkuun jikin kweilo̧k eo am make!
Etan in Koshi. Ij jokwe epaake Sapporo Japan Tampeļ eo. Ij iakwe jijet iturin juon wintō ilo mweo im̧ō im alooje an tampeļ eo ekkal.
Ilo iien kōppeļļo̧ke m̧weo n̄an alooje, Ikar karuwaineneik eo m̧ōtta em̧m̧an n̄an itok ippām. Eaar ļōmņak aolep men raar aiboojoj.
Ij kōņaan ļōmņak kōn iien aje tampeļ eo āinwōt iien ļotak eo an. Raan eo eaar barāinwōt raan in ļotak eo aō. Im barāinwōt an Būreejtōn Monson! Ro jinō im jema im n̄a kar pād ilowaan tampeļ eo ke eaar aje.
Ij kanooj kam̧oolol n̄an jokwe epaake tampeļ eo. N̄e ewōr raan ko reppen n̄an n̄a ilo jikuuļ, imaron̄ etetal ilo meļan ko an ilo iaļ eo aō n̄an m̧weo im̧ō. Ij en̄jake iakwe eo an Jema n̄an n̄a n̄e ij pād ijo. Ij reim̧aanļo̧k n̄an iien eo imaron̄ deļo̧n̄e n̄an kōm̧m̧ani peptaij ko im tok ālkin m̧are ijo.