M̧ae Iien Jenaaj Bar Lo Doon
Jipan̄ Jabdewōt Armej Rainin
Jān Būreejtōn Thomas S. Monson
Jān “Ta Em̧ōj Aō Kōm̧m̧ane n̄an Jabdewōt Armej Rainin?” Liahona, Nov. 2009, 84–87.
Kōj Jej Pā ko Pein Irooj. E ej kōjatdikdik iood.
Meļeļe eo jān an Kraist kōmour Rinan̄inmej eo ilo Bethesda, jān Carl Heinrich Block, pija eo eaorōk an Brigham Young University Museum of Art
Ij lōke bwe ej jibadbad eo an kajjojo membōr an Kabun̄ in n̄an jerbal im n̄an jipan̄ ro rej pād ilo aikuj. Ilo iien peptaij jaar kallim̧ur n̄an “ineek eddo ko an ro jet, bwe ren maron̄ mera” [Mosaia 18:8]. Ewōr jete kōttan an kar būruwōm̧ m̧weiur ilo am̧ kar kam̧ool aikuj eo an bar juon? Ewi emakijkij in am̧ kar kajjieon̄ n̄an erom juon eo ej jipan̄? Im aaet ewi emakijkij in kar mour raan n̄an raan kar bōk jikin im kwar doore n̄an ro jet n̄an jipan̄, en̄jake bwe “o, em̧ool jabdewōt enaaj lolorjake aikuj eo.”
Jej erom lukkuun joļo̧k ad ilo poub eo an mour ko ad. Eļan̄n̄e jemaron̄ bōjrak, mekarta, im bōk juon kejōkļo̧kjeņ em̧m̧an kōn ta eo jej kōm̧m̧ane, jemaron̄ lo bwe … ekanooj emakijkij ad joļo̧k enan̄in aolepān ad iien lolorjake men ko me rejjab kanooj in aorōk ilo aolep karōk an mour, kowaan jerbal ko raorōkļo̧k. …
Jej jepooļ jān ro rej aikuji kea, ad kōketak, ad rejtak, ad kaenōm̧m̧an, ad jouj—men̄e rej ro uwaan baam̧le, ro m̧ōttad, ro jejeļā kajier, ak ruwamejet ro. Jej pā ko pein Irooj ilo laļ in, kōn juon kallim̧ur n̄an jerbal im n̄an kotak ajri ro Nejin. E ej kōjatdikdik ioodwōj kajjojo. …
Kōm̧m̧an bwe naan ko an al eo jeļā kake en deeil lukkuun jetōb ko ad … :
Em̧ōj ke Aō kar kōm̧m̧an em̧m̧an ilo laļ in rainin?
Em̧ōj ke Aō kar jipan̄ jabdewōt armej rej pād ilo aikuj?
Em̧ōj ke Aō kam̧ōņōņōik eo ebūrom̧ōj im kōm̧m̧an bwe juon en lem̧ōņōņō?
Eļan̄n̄e jaab, em̧ōj Aō likjab ilo m̧ool.
Enan̄in ke mera ļo̧k eddo eo an juon armej rainin
Kōnke iaar m̧ōņōņō in jipan̄?
Em̧ōj ke an eo enan̄inmej im m̧ōk kar jipan̄ ilo jekjek eo aer?
Ke raar aikuji jipan̄ eo aō iaar ke pād ijo?
[“Have I Done Any Good?”] Hymns, no. 223.
… Kōm̧m̧an bwe jān kajjitikin kōj make kajjitok eo … : “Ta em̧ōj aō kōm̧m̧ane n̄an jabdewōt armej rainin?” Kapilōk eo aō n̄an membōr ro aolepān laļ in enaaj n̄an pukot jabdewōt eo ewōr an iien epen ak ej nan̄inmej ak ajimakeke, im kōm̧m̧an jabdewōt n̄an leo ak liio rainin.