2017
Elmen an Ennaan in Kweilo̧k eo Eļap Maron̄ Ukōt Mour Eo Am̧
October 2017

Ewi wāween an juon Ennaan an Kweilo̧k eo Eļap Maron̄ Ukōt Mour Eo Am̧

Jān Hadley Griggs

Rijeje eo ej jokwe ilo Utah, USA.

Kwomaron̄ lukkuun erom̧ āinwōt Jisōs Kraist. Kein jipan̄ kein renaaj jipan̄ eok lo elmen.

desk with laptop and general conference issue

En̄jake jidik an jetōb jerbal? Kwōj ļōmņak kwomaron̄ ke kōjerbal jidik tōl an jetōb? Ekwe, kwōj jeraam̧m̧an, kōnke kweilo̧k eo eļap emaron̄ men eo kwōj pukote! Elder Robert D. Hales jān Doulul eo an Jon̄oulruo Rijilōk ro eaar ba: “N̄an membōr ro ilo Kabun̄ in, Ij kallim̧ur bwe eļan̄n̄e kom̧ naaj ron̄jake [kweilo̧k eo eļap], kom̧ naaj en̄jake an em̧m̧an Jetōb ilo kom̧. Irooj enaaj jiron̄ eok ta eo Ekōņaan bwe kwōn kōm̧m̧ane ilo mour eo am̧.”1

Im ejjab jem̧ļo̧k ilo wiik in kweilo̧k eo—kwomaron̄ en̄jake wōt Jetōb jān am̧ ekkatak kōnono ko tokālik barāinwōt!

Kweilo̧k eo eļap ej jipan̄ kōj ilo elōn̄ wāween ko. Bōlen eo eaorōktata, kilen ad epaake ļo̧k ad Rilo̧mo̧o̧r n̄an katakin kōj kilen ad erom̧ āinwōt E. Wāween eo em̧m̧antata n̄an bōke ilo kweilo̧k eo ej n̄an lukkuun mije katak ko kōn m̧wil ko an Kraist—men̄e ilo iien kadiwōjļo̧k ak ilo iien am̧ ekkatak katak ko. Ilo am̧ ron̄jake ak riiti jet m̧wil ko an Kraist, naan ko im Jetōb remaron̄ jipan̄ eok katak kilen erom̧ āinwōt Kraist.

Kwomaron̄ bōk teej in n̄an lale m̧wil rot ak ruo kwomaron̄ kōnaan pedped ioon ilo am̧ ekkatak ennaan ko ilo kweilo̧k eo eļap. (N̄an bōk eļap teej, lale Oktoba 2016 New Era ak jebta 6 in Preach My Gospel.)

N̄an kajjojo iaan m̧wil ko ratimjuon an Kraist ilaļ, bōk naan eo em̧m̧an tata n̄an kwaļo̧k kadkadim.

  1. Tōmak:

    1. Ijjab jeļā eļan̄n̄e Jisōs Kraist ej aō Rilo̧mo̧o̧r.

    2. Ij tōmak ilo Jisōs Kraist im bōk E āinwōt aō Rilo̧mo̧o̧r.

    3. Ij kōjatikdik Jisōs Kraist ej aō Rilo̧mo̧o̧r.

  2. Kōjatdikdik:

    young man

    1. Ij en̄jake ineem̧m̧an im m̧ōņōņō kōn ilju im jekļaj.

    2. Iju im jekļaj ekamijak eō!

    3. Ekkā aō kōjekdo̧o̧n ilju im jekļaj—eļan̄n̄e ijjab ļōmņak kake, ijjab aikuj inepata kake.

  3. Iakwe-em̧ool, im Iakwe:

    1. Ij kajjieon̄ iakwe ro jet, ak ewōr jet armej ekkā aō matōrtōr er.

    2. Ilukkuun boub n̄an etale mour e aō make eo me ekōm̧m̧an bwe en pen aō ļōmņak kōn ro jet.

    3. Ikōņaan bwe en m̧ōņōņō im jokne mour an armej ro jet.

  4. Wānōk:

    1. “Erreo ilo ļōmņak im m̧akūtkūt.” Men in ej ke juon men ekam̧ōņōņō!

    2. Ij erreeo im kwojarjar ilo bōro.

    3. Epen aō erreeo im kwojarjar ilo bōro.

  5. Jeļāļo̧kjeņ:

    young woman reading scriptures with younger sister

    1. Ewōr jet men ko ij kōm̧m̧ani me epen aō lo uwaak ko aō.

    2. Ugh. Ekkatak? Jet iien ejjab kalimomo n̄an jeļā jet men.

    3. Ij lukkuun pukot n̄an meļeļe m̧ool eo n̄an pukot uwaak in kajjitōk ko aō.

  6. Kijenmej:

    1. Ij kōttari men ko ijjelo̧kin illu im inepata.

    2. Ij ļōmņak imaron̄ kōttari men ko, ak imaron̄ jidik illu im inepata.

    3. Kōttari men ko ebwe an nana. Ikōņaan aolep men kiiō.

  7. Ettā bōro:

    1. Ikōņaan lukkuun lale n̄e ij kōm̧m̧ani men ko aō make.

    2. Ij pedped ioon jipan̄ an Irooj.

    3. N̄e jerbale jet men, ekkā aō meļo̧kļo̧k bwe imaron̄ kajjitōk jipan̄ eo an Jemedwōj Ilan̄.

  8. Tiljek:

    1. Ij joļo̧k eļap aō iien alooj TV, iaiio̧ ippān ro m̧ōtta, im kōjekdo̧o̧ni jerbal ko!

    2. Ekkā aō apan̄ n̄an mije men ko raorōk ilo mour e aō, ak ij kajjieon̄.

    3. Ij joļo̧k iien ilo men ko raorōk tata.

  9. Pokake:

    1. Ij ļoor kapilōk eo an ritōl ro im ro jinō im jema.

    2. Ij irooj ioō make—Ekkā an pen aō ron̄jake ro jet.

    3. Ij ļoor kapilōk eo an ritōl ro im ro jinō im jema, ak jet iien ij elotaane.

young woman

Kiiō lale uwaak ko am̧. Mwiļ rot kwōj kōņaan jerbale? N̄an jeļā kilen jerbali, kwōn kālet juon ak ruo im lukkuun lali ilo am ron̄jake kweilo̧k eo eļap.

Im eļan̄n̄e uwaak eo em̧m̧an am kōm̧m̧ane, dāpij wōt! Kwomaron̄ kālet juon ak ruo me rejiktok n̄an eok ilo teej eo im lukkuun lali ilo iien am ekkatak kweilo̧k eo eļap. Jekdo̧o̧n ia eo kwōj pād ie n̄an erom̧ āinwōt Kraist, kwōmaron̄ iien otemjej oktak n̄an katak ko an ritōl ro ad n̄an jipan̄ eok ilo iaļ in am̧.

Eļan̄n̄e kwoban kālet juon m̧wil kiiō, jab inepata! Kwōmaron̄ aolep iien ron̄jake kweilo̧k eo eļap im innām lale ta eo ekkar n̄an kwe.

N̄e em̧ōj am kālet m̧wil eo kwōj kōņaan mije, kwōn je bwe kwōn pojak in bōk revelesōn kake ilo am ron̄jake kweilo̧k eo ak ilo am̧ ekkatak. Ilo am̧ ron̄jake im ekkatak, kōm̧m̧an bwe Jetōb en tōl eok n̄an jet iaan wāween ko kwōmaron̄ jerbali m̧wiļ kein. Lale waanjon̄ok in ilaļ!

Kakeememej ko

  1. Robert D. Hales, “General Conference: Strengthening Faith and Testimony,” Liaona, Nov. 2013, 6.