Itok, Ļoor Eō—N̄an Kweilo̧k ko an Melkisedek Priesthood im Doulul eo an Kōrā ro
Jino ilo Jānwōde 2018
Kwaļo̧k kadkad in juon en̄jake ekāāl in Jabōt n̄an rūtto ro
Ium̧win iiō ko, jekar ekkatak kōn Teachings of th Presidents of the Church bok ko. Ilo 2018, jenaaj jino kōjerbal ennaan ko an kweilo̧k eo eļap n̄an door ad ekkatak ilo katak ko an rikanaan ro remour, rijilōk ro, im ritōl ro jet an Kabun̄ in.
Kalikkar Aikuj ko
Ward Ko̧o̧njeļ ko
Būreejtōnji ko
Rūkaki ro rej Loļo̧k m̧ōko im Rūkaki in Loļo̧k Im̧ōko an Kōrā ro
Kōkapilōklōk Ippān doon im katak jān Kweilo̧k eo Eļap
Kweilo̧k ko an Jabōt
Kōm̧m̧ane Jerbal eo im Bar Riboot Tok
Juon En̄jake Ekāāl in Jabōt
Ilo Jānwōde 2018, kweilo̧k ko an Jabōt n̄an doulul ko an Melkisedek Priesthood eo im Doulul eo an Kōrā ro renaaj oktak. Oktak kein ekūtbuuj bok in katakin ko jej kōjerbali—Katak ko an Būreejtōn ro an Kabun̄ in renaaj bōk jikier kōn juon eļapļo̧k kōmejajaiki kōn katak jān ennaan ko an kweilo̧k eo eļap, kōkapilōklōk ippān doon, im ekkatak unin kōnono ko kar kāleti jān ritōl ro ad rōutiej.
Ak oktak eo eaorōktata epād ilo wāween ad kōjerbal kein katak kein n̄an kōttōbrak jibadbad ko rem̧ool an kweilo̧k ko ad ilo Jabōt.
Jibadbad ko an Kweilo̧k ko Ad
Anij ekar ejaaki m̧aan im kōrā in bujen ro Nejin ilo doulul ko an priesthood im Doulul ko an Kōrā ro n̄an jipan̄ kōttōbrak jerbal in An. Elōn̄ men ko rekajoor rej waļo̧k n̄e jej aiintok doon ium̧win tōl eo an ro rej kabwijer kii ko an priesthood eo. Kōn menin ilo an kōmeļeļe eo an gospel aorōk, kweilo̧k ko an priesthood im Doulul eo an Kōrā ro ilo Jabōt reļapļo̧k jān iien kūlaaj ko. Er rej barāinwōt jikin kweilo̧k ko rej jerbal n̄an ad katak ippān doon jān ennaan ko an kweilo̧k eo eļap, kapilōk kōn jerbal in lo̧mo̧o̧r eo, im kakoņkoņ n̄an kōttōbrak jerbal eo. Oktak ko renaaj itok ilo 2018 renaaj jipan̄ kōj kakūrm̧ool jibadbad kein.
Kajjitōk ko im Uwaak ko
Oktak in ej ke juon laajrak in kein katak ekāāl—ak jet men ko rellōn̄ļo̧k? Kein katakin ko rekāāl remaron̄ āinwōt juon laajrak in kein katak, bōtaab rej barāinwōt juon jekjek ej kōm̧m̧an oktak n̄an doulul ko an Melkisedek Priesthood eo im Doulul ko an Kōrā ro n̄an kōļapļo̧k aer bōk kuņaer ilo jerbal eo an Anij im ilo tōpar aikuj ko ijo jokwe ie. Oktak in ej letok juon iien n̄an kalikkar, kōkapilōklōk kake, im kōttōbrak aikuj ko.
Ta eo jenaaj lukkuun lale wōt ilo kweilo̧k ko ilo Jabōt? Jino ilo Nobōm̧ba 2017, bok ko an kweilo̧k eo eļap an Liaona eo im Ensign eo renaaj kein katakin ko naaj kobaiki n̄an ad maron̄ kōjerbali ilo kweilo̧k ko an Melkisedek Priesthood eo im Doulul eo an Kōrā ro ilo Jabōt. Kweilo̧k ko ruo allōn̄ otemjeļo̧k renaaj pedped ioon ennaan ko an kweilo̧k eo, im ritōl ro im rūkaki ro renaaj leļo̧k ļōmņak ko n̄an jipan̄ membōr ro ekōnono im mour kaki enaan ko. Jabōt ko Kein Kajuon naaj kōjerbali ilo kapilōk ippān doon n̄an ņamejļan aikuj ko ijo jokwe ie im Jabōt ko kein kemān ilo ekkatak juon unin katak kar kālete jān ritōl ro ad rōutiej. Lale jikejuuļ in kweilo̧k ko an kajjojo allōn̄ ilo jait eo iturājet in peij in.
Ta meļeļe in n̄an ad kapilōk ippān doon kōn aikuj ko an ijo jej jokwe ie? Doulul ko an Melkisedek Priesthood eo im Doulul eo an Kōrā ro rej “jijet ilo ko̧o̧njeļ” (K&B 107:89) ilo Jabōt eo kein kajuon kajjojo allōn̄. Ium̧win tōl eo an ritōl ro an priesthood eo ak Doulul eo an Kōrā ro, kweilo̧k ko an Jabōt eo kein kajuon rej kōjerbali n̄an kalikkar aikuj ko ijo jokwe ie im kapilōk ippān doon kōn wāween ko n̄an ņamejļan aikuj ko. Bōlen unin kōnono ko n̄an ko̧o̧njeļ ko an Jabōt eo kein kajuon ekoba ekōjkan kōkōm̧anm̧anļo̧k wāween leto letak meļeļe ippān ro uwaan baam̧le ko, jerbal ilo jukjukin pād eo, im jipan̄ jodikdik ro ilo ward ak branch eo. Ilo ālkin kweilo̧k ko, doulul eo, kurub eo, ak Doulul eo an Kōrā ro rej bar etale im̧we ko im m̧akūtkūt ko.
Laajrak in kein katakin in ej ke āinwōt Come, Follow Me n̄an Jodikdik ro? Mekarta unin kōnono ko im kein katakin ko an Come, Follow Me—N̄an Kweilo̧k eo an Melkisidek Priesthood im Doulul eo an Kōrā ro roktak jān kein katakin ko an Come, Follow Me n̄an jodikdik ro, kilen katakin im katak rej juon wōt. N̄an meļeļe ko reļļapļo̧k kōn katak im katakin gospel eo, lale Teaching in the Savior’s Way ilo teaching.lds.org.
N̄aij jab juon rūkaki. Ij aikuj in ke wōrtar bwe en itok aō Liaona ak Ensign? En̄jake eo am̧ enaaj m̧wilaļļo̧k eļan̄n̄e kwōj riiti ennaan ko an kweilo̧k eo eļap im būki tok n̄an kweilo̧k ko am̧ ilo Jabōt. Komaron̄ tōprak ennaan ko ilo digital ilo conference.lds.org im ilo Gospel Library app eo ak kōn am̧ wia am̧ Liaona ak Ensign (lale store.lds.org).
Ak eļan̄n̄e māākjiin eo an kweilo̧k eo eļap ejjan̄in ukook ilo kajin eo aō? Ennaan ko an kweilo̧k eo eļap em̧ōj aer ukook ilo elōn̄ kajin ko ilo conference.lds.org im ilo Gospel Library app eo, im laajrak in kein katak ko renaaj pād ilo ComeFollowMe.lds.org. Eļan̄n̄e kajin eo am̧ ekar jab bōk juon laajrak in kein katak ko rekāāl ilo online ak ilo māākjiin, lale Kōmeļeļe ko kōn Laajrak in Kein Katak ko, 2018 n̄an meļeļe ko reļļapļo̧k.
N̄āāt eo jej jino ekkatak ennaan ko an kweilo̧k eo eļap? Kwonaaj ijjino ekkatak ennaan ko an Oktoba 2017 kweilo̧k eo ilo Jānwōde 2018. Ālkin wōt, ritōl ro am̧ ijo jokwe ie renaaj kālet n̄āāt eo n̄an jino kōjerbal ennaan ko jān kweilo̧k eo tok juon—āinwōt ilo Māe im Nobōm̧ba in kajjojo iiō.
Wōn eo ej kālet ennaan ko jān kweilo̧k eo eļap jej ekkatak jāni? Ritōl ro am̧ ijo jokwe ie rej kapilōk ippān doon kōn ewi wōt ennaan ko an kweilo̧k eo naaj jejjet tata ilo ņamejļan aikuj ko an doulul, kurub eo am̧, ak Doulul eo an Kōrā ro. Kurub eo an pris ro rōutiej, doulul an elder ro, im Doulul eo an Kōrā ro in ejja ward eo wōt ak branch eo maron̄ ekkatak ennaan ko roktak n̄an maron̄ ņamejļan aikuj ko roktak.
Jikejuuļ eo an Priesthood eo an Melkisedek im Doulul eo an Kōrā ro
Ijjino ilo Jānwōde 2018
|
Unin kōnono |
Tōl jān | |
|
Jabōt eo Kein Kajuon |
Kōkapilōklōk ippān doon kōn aikuj ko an jikin eo kwōj jokwe ie |
Būreejtōnji ak ritōl ro an doulul ko |
|
Jabōt ko Kein Karuo im Kajilu |
Ennaan ko rekāāl jān kweilo̧k eo eļap |
Būreejtōnji ak ritōl ro an doulul ko ak juon rūkaki em̧ōj kūri n̄an rūkaki |
|
Jabōt Kein Kemān |
Kajjojo unin kōnono ko kar kāleti jān ritōl ro reļļap an Kabun̄ in |
Būreejtōnji ak ritōl ro an doulul ko ak juon rūkaki em̧ōj kūri n̄an rūkaki |
|
Jabōt Kein Kōļalem |
Unin kōnono ko kar kāleti jān bisoprik eo |
Bisoprik eo ak juon armej bisoprik eo ekar jitōn̄ e |
Kōmeļeļe ko n̄an kweilo̧k kein maron̄ loi ilo māākjiin eo an Nobōm̧ba an Liaona im Ensign eo, ilo Gospel Library app eo, im ilo ComeFollowMe.lds.org.