Kūr eo an Rijilōk ro jinointata ilo Jepļaaktok eo

Ilo Pāpode 8, 1835, Josep Smith eaar kajjitōk ippān Brigham im Josep Young bwe ren al n̄an e. Innām rikanaan eo eaar bōk juon revelesōn bwe etōreen bwe Jon̄oulruo Rijilōk ro ren kūr er.¹

Josep Smith eaar kajjitōk ippān Brigham bwe en jilkinļo̧k juon kōjjeļļā bwe enaaj kōm̧m̧an juon kweilo̧k eļap Jādede eo tok juon. Eaar ba n̄an Brigham bwe enaaj juon iaan ro ilo Jon̄oulruo.²

Jiljino raan tokālik, ro Rekwojarjar raar kuk ippān doon. Josep Smith eaar ba bwe juon iaan jibadbad eo eļap an kweilo̧k eo ej kōn Rikam̧ool ro Jilu an Bok in Mormon—Oliver Cowdery, David Whitmer, im Martin Harris—“n̄an kālet em̧m̧aan ro jon̄oulruo jān kabun̄ in āinwōt Rijilōk ro.”³ Oliver im David raar bōk kūr in m̧okta ļo̧k ilo Juun 1829, bōtaab raar aikuj in “pukot Irooj ilo jitlo̧k im jar” n̄an kalikar Jon̄oulruo ro, iien eo eaar jab jejjet.⁴ Kiiō, Josep eaar ba, em̧ōj an jejjet iien eo.

Jon̄oulruo ro (ilo laajrak eo kar kwaļo̧k e ilo kweilo̧k eo) rej Lyman Johnson, iiō 23; Brigham Young, 33; Heber C. Kimball, 33; Orson Hyde, 30; David W. Patten, 35; Luke Johnson, 27; William E. McLellin, 29; John F. Boynton, 23; Orson Pratt, 23; William Smith, 23; Thomas B. Marsh, 34; im Parley P. Pratt, 27. Aolep raar jerbale mijen ko m̧okta ļo̧k. Ralitōk raar pād ippān Josep Smith ilo Zaion Kāām eo ilo kar jōm̧ar eo.⁵

Ālkin kar kūr er, kajjojo iaan Rijilōk ro kar kapit er.⁶ Ekkapit in kōjeraam̧m̧an ko aer raar kūrm̧ool kōn kallim̧ur ko kōn jerbal in mijinede. Heber C. Kimball eaar keememej kallim̧ur ko “kar kwaļo̧k elōn̄ men ko renaaj waļo̧k, kōm̧ naaj bōk kajoor n̄an kōmour rinan̄inmej, kajutak ļo̧k demōņ ko, kōjerkak ro remej, kaloļo̧kjeņ ro repilo, … kōm̧akūt toļ ko, im aolep men ko rekkar n̄an kōm kōn etan Jisōs Kraist.”⁷

Oliver Cowdery eaar bar kwaļo̧k apan̄ ko raar iooni: “Pojak iien otemjej n̄an kōm̧m̧an wūjļepļo̧k [sic] ilo mour ko ami, Anij ej ke aikuji n̄an kōm̧ōkaj im kalōk jerbal in an.” Oliver eaar rōjan̄ Rijilōk ro n̄an pukot an juon make jeļā kōn Jisōs Kraist bwe ren maron̄ kam̧ool kōn lukkuun E: “Jab ebeer m̧ae iien kwoj jelm̧ae Anij.”⁸

Jino ilo Māe 1835, Rijilōk ro raar kōm̧m̧ane jerbal in miijen ko an Kabun̄ in, jerbal in tōl eo aer eļap eaar kōjeraam̧m̧an elōn̄.

Kakeememej ko

1. Lale History, 1838–1856 (Manuscript History of the Church), volume B-1 [1 Jeptōm̧ba 1834–2 No̧bōm̧ba 1838],” addenda, note A, page 1, josephsmithpapers.org.

2. Lale Joseph Young, History of the Organization of the Seventies (1878), 1.

3. “Minutes, Discourses, and Blessings, 14–15 February 1835,” ilo Joseph Smith Papers, Documents, Volume 4: Eprōļ 1834–Jeptōm̧ba 1835, 224–28.

4. “Minutes and Blessings, 21 Pāpode 1835,” in Joseph Smith Papers, Documents, Volume 4: Epōļ1834–Jeptōm̧ba 1835, 242, 243.

5. Emān raar jab pād ilo kāām eo rej David W. Patten, Thomas B. Marsh, William E. McLellin, im John F. Boynton.

6. Ratimjuon wōt Jon̄oulruo ro raar pād ilo kweilo̧k eo ilo Pāpode 14, 1835. Parley B. Pratt eaar ekkapit ilo Pāpode 21, 1835, ke Thomas B. Marsh im Orson Pratt raar jim̧or ekkapit ilo Epōļ 26, 1835.

7. “Kar Bōk jān H. C. Kimball’s Journal,” Times and Seasons, Epr. 15, 1845, 868.

8. “Minutes and Blessings, 21 Pāpode 1835,” in Joseph Smith Papers, Documents, Volume 4: Epōļ1834–Jeptōm̧ba 1835, 244, 243.