O Ata o le Faatuatua

Josephine Scere

Penisilevania, ISA

O le faapaiaina o le Malumalu o Philadelphia Pennsylvania i le 2016 na tuuina atu ia Josephine le avanoa e auai faalevaiaso. Na te mauaina le malosi ma le faamalologa i totonu o le malumalu mo le feagai ai ma faigata o le olaga.

Leslie Nilsson, tagata pueata

Na ou fanau mai i le taimi o le faigata. O lou tina o se tagata na malaga mai Liberia, na matou matitiva, ma na sauaina au o se tamaitiiti ao tuuina e tausia e tagata na faapea lou tina na te talitonuina. O lena mea na avea ai ni mea faapitoa ma ni mea faigata lava i lou olaga.

Pe a amata ou puapuaga ae lei oo i le tausaga e tauia ai, ou te manatu e i ai se loloto o se sootaga ma le Faaola lena e mafai ona oo mai. O lena sootaga o se faamanuiaga sili lea ona matagofie mo au, ma e leai se ala e mafai ai ona ou fulitua i lena mea.

O le mea na faatumauina ai lou naunau tele e ola i le talalelei o ou puapuaga.

O le tu faaAferika e faatumauina ai se alofa mo le Alii i totonu o oe mai lava ao laitiiti. Ou te manatuaina lou tina matua na aoaoina au i le Tatalo a le Alii ao fa ou tausaga. Na ia aoaoina malosi au i le taua tele o le mauaina o se sootaga patino ma le Faaola. O se mea e matua moni lava mo au.

Na oo mai le talalelei i lou olaga i se taimi sao lava. Sa 14 ou tausaga. Na oo mai i se ulugalii matutua faifeautalai, o Glenn ma JoAnne Haws, ia na ola i upu taitasi na la aoaoina ai au. Na la faia le tiutetauave o ni faufautua mo au.

Na avea lou tina o se tagata o le Ekalesia i le 1995. O le taimi lena o le taua a le atunuu i Liberia. Na maliliu nisi o ona tei i le taua. Ona fasiotia lea o le tama o lou tuagane laitiiti, lea na faatasi ma lou tina i le taimi lea, iinei i le iunaite setete. Sa o se taimi faigata tele lea mo ia, ma na le toe toaga o ia.

E lei faasoaina mai lava e lou tina ia i matou e faapea o ia sa auai i le Ekalesia. Pau lou manatua o le vaaia o ni tusitusiga paia faaopoopo i lana kesi faitau tusi. Ina ua o mai Elder ma Sister Haws e faaaumea ma aoao o ia, na la faapea mai, “E te le manao ia iloa e lau tama teine mea na e te iloaina?” Na ou papatiso i le aso 21 o Me, 2000.

E faigata le olaga e tusa lava po o oe o se Au Paia o Aso e Gata Ai pe leai. Ou te maua lou malosi mai le i le ma sootaga ma lou Faaola faapea ma lau tama tama, o Enoka. O le tausia o feagaiga na ou faia i le malumalu e tuuina mai foi ia te au le malosi.

Ua suia e le malumalu iinei i Philadelphia foliga o lenei aai. Na ou i ai i le malumalu toeitiiti lava o aso uma i le taimi o le fale tatala. E tutu tagata ma faataupupula atu ma na o le sisila atu lava i le malumalu. Sa ou galue sikulaki i se tasi po, ma na taofi au e se tamaitai ma fesili mai, “O le a lenei fale?”

Na ou fai atu ia te ia, “O le fale lenei e mafai ona o mai i ai tagata o le Au Paia o Aso E Gata Ai e osi ai feagaiga ma le Alii.”

Na ia tilotilo atu i lalo ma faapea mai, “Ua tutu ou moge.”

O le taimi lava lena ou iloaina ai. O lenei tamaitai o se tamaitai masani lava o Philadelphia. Na le malamalama o ia po o le a le mea o loo tupu, ae na mafai ona ia lagonaina le Agaga i le malosi lava lea e tasi aua e moni le talalelei.

O le upumoni o le upumoni, i soo se tulaga. E le moomia lou finau i ai. E le moomia lou faamaonia. E moni lava. E moni, ma e moni mo tagata uma. E moni mo tagata o loo nonofo i le Aai o Sate Leki, Iuta, ma e moni mo tagata o e nonofo i nuu matitiva o Philadelphia. Ou te manatu o le mea lena e tatau ona uunaia i tatou.

E faigata le olaga pe o oe o se Au Paia o Aso e Gata Ai pe leai,” ua fai mai ai Sosefina. Ae o ona puapuaga, o lana tala lea, na faatumauina lona naunau e ola i le talalelei.

O afiafi o aiga a le aiga o Scere e aofia ai le tele o meaaoga.

E faamuamua lava e Sosefina lana sootaga ma lona Faaola ma lana tama tama, o Enoka, i lona olaga.

”Ua i ai so tatou tiute ma se tiutetauave i le tasi ma le isi,” ua fai mai ai Sosefina. ”O le ala e silasila mai ai le Alii ia i tatou uma lava o le ala lea e tatau ona tatou vaai atu ai i le tasi ma le isi.”

E tulimatai atu Enoka i ona taimi patino i aso taitasi e na o laua ai ma lona tina.

E malolo Enoka mai ana meaaoga ina ia taaalo pasiketi polo faatasi ma lona tina i fafo o lo la fale i Philadelphia.