Sa ou tatalo mo se mea taua, ae ou te le iloa pe na ou mauaina se tali. E faapefea ona ou iloaina?
December 2017
Fesili & Tali
“Sa ou tatalo mo se mea taua, ae ou te le iloa pe na ou mauaina se tali. E faapefea ona ou iloaina?”
O le mauaina o tali i tatalo ua faamatalaina o se faagasologa: muamua e te suesue i lau fesili i lou mafaufau; ona e fesili atu lea i le Atua pe sao lau tali. Afai e sao lau tali, o le Alii o le a “tautala atu le filemu i lou mafaufau” (MF&F 6:23).
Ae faapefea pe a e le lagonaina se faalogona o le filemu? Ae faapefea pe a e lagonaina e pei ua e mauaina se tali, ae e te le mautinoa pe o oe po o le Agaga Paia?
E tusa ai ma le saunoaga a Elder David A. Bednar o le Korama a Aposetolo e Toasefululua, “O le tele lava o taimi, e oo mai faaaliga i nai faaopoopoga laiti mo sina taimi, ma e tuuina mai e tusa ai ma o tatou manaoga, agavaa, ma tapenapenaga.”1 E le masani lava ona oo vave mai; o le tele lava o taimi e oo mai i “lea fuaitau i luga o lea fuaitau, ma lea mataupu i luga o lea mataupu”(2 Nifae 28:30), ma o le tele o taimi e tatau ai ona e faia se laa i se tasi itu e tusa lava pe e te le i lagonaina faapea ua e mauaina se tali atoatoa. O nisi taimi atonu e te le mauaina lava se tali—o le taimi lena e te manaomia ai le faatino loa po o le lava le tulaga ma le faatuatua faapea o le a tali mai le Atua pe a sao le taimi.
Afai o e popole pe o lau tali e sau mai ia te oe pe mai le Agaga Paia, manatua o le tali sili lava o le tali lena e “valaau mai ma faatosina mai ia faia mea lelei, ma alofa i le Atua, ma auauna atu ia te ia” (Moronae 7:13).