Mauaina o le Filemu: 4 (Isi) Auala e Faaaoga ai le Autu o le Mutuale 2018
O le autu o le Mutuale 2018 e aoao atu i le autalavou e uiga i le filemu e mafai ona latou mauaina mai ia Iesu Keriso. O le autu e maua mai i le Mataupu Faavae ma Feagaiga 19:23 lea e valaau mai ai le Alii, “Aoao mai ia te a’u, ma faalogo mai i a’u upu; savali i le agamalu o lo’u Agaga, ma o le a e maua ai le filemu ia te a’u.” O se savali mamana! O auala malie nei e fa e faaaoga ai le autu o le Mutuale e faamalosia ai le autalavou e ala atu i taimi faigata.
1. Sauniga amata
O le faaaofiaina o le autu i le amataga o le Mutuale, e mafai ona e setiina ai le tulaga mo le gaoioiga atoa. A o lei faia gaoioiga taitasi, e mafai ona e tofia se alii talavou po o se tamaitai talavou e piki se mau e fesootai i le Mataupu Faavae ma Feagaiga 19:23 ma tuuina atu i le vaega. E mafai foi ona e tuueseina se taimi o le sauniga amata e suesue ai mau o loo siomiaina le fuaiupu 23 ina ia malamalama ai i ona talaaga.
2. Faalogo mai i a’u upu”
Ua ofoina atu e lenei gaoioiga malie ma faigata se auala fou i manatu mo le gaoioiga kuka ua tuuina atu i le “O Oe, o le Autalavou, ma le Autu o le Mutuale” (Ensign po o le Liahona, Ianuari 2018). Piki se fua o se meaai ma tuu atu i se tagata e toatasi e faitauina a o faalogo ia talavou taitasi ma mulimuli i faatonuga o le kukaina o le meaai. Ona ta leotele lea o le musika a o tautala le tagata faitau, ia faafaigata ai ona lagona ia faatonuga. Uunaia le tagata faitau e faaauau pea le faitauina o le fua o le meaai ma aua le toe ta’ua mea ua uma ona ta’uina. A uma le gaoioiga, talanoa e uiga i le faatagaina o le lalolagi e tanumia afioga a Keriso lea e faafaigata ai ona mulimuli atu ia te Ia.
3. “Aoao ia te a’u”
O lenei gaoioiga o le a aoao atu ai i le autalavou le auala e maua ai le filemu e ala i le suesueina o le soifuaga o Keriso i se auala faagaeetia ma faaleagaga. I puipui o le faletapuai a le tou uarota (po o soo se isi nofoaga talafeagai), o le a faatulagaina ai ni tulaga eseese lea o le a i ai ni ata/mea faitino e suitulaga i nisi o mea o faapopoleina ai olaga o le autalavou—mea e pei o meaaoga, taua/tala o taua, tagata le alolofa, ma isi mea faapena. E tatau ona i ai tulaga taitasi i le faapaologa i fafo atu o le potuaoga. I tulaga taitasi, tuu atu i le autalavou e talanoa i nisi o latou lagona ma aafiaga ma pe o faapefea ona aafia i latou e nei mea o loo faapopoleina ai. Ona, tatala lea o le faitotoa i le potu o loo i ai i fafo atu le tulaga. (E mafai foi ona i ai iina se ata o Keriso o loo faapipiina i le faitotoa.) I totonu o le potu, e tatau ona i ai se isi tulaga ua faatulagaina ma se vitio/mau/savali i se vaega o le soifuaga ma aoaoga a Keriso lea o le a fesoasoani e tuuina mai le filemu e fesootai i mea o faapopoleina ai o loo i fafo o le faapaologa. E tolu ituaiga o tulaga e lua-vaega (tasi le vaega i le faapaologa, tasi le vaega i totonu o se potuaoga) e tatau ona maua ai se gaoioiga atoa.
4. O le a e maua le filemu ia te a’u”
Alu “se pesepesega mo le filemu” e avea ma se vaega o le Mutuale. E ui o pesepesega e masani lava ona faapolopolo mo le taimi o le Kerisimasi, ae o se gaoioiga lelei mo soo se taimi o le tausaga. Sue ni nai aiga e te iloa e mafai ona faaaogaina se siitia ae faaleagaga ona tutu atu lea i lo latou faitotoa ma se meaai māmā ma ni nai pese e mafai ona usuina. O viiga e valaauliaina le Agaga, lea e mafai ona aumaia foi se fuataga faaopoopo o le filemu.