O Lou TUAOI UIGA ESE

Saunia e Samantha Best

E alaala le tusitala i Victoria, Ausetalia.

Sa ou i ai i se taimi faanoanoa o lou olaga, ae o le alu i le lotu ma lou tuaoi na suia ai mea uma.

I ni nai tausaga ua mavae, sa ou faanoanoa aua sa ou lagona ou te lei maua se tasi e talanoa i ai. Sa mamao lou aiga ma sa leai ni au uo, lea sa ou vaai ai i se mafuaaga e le toe ola ai.

Sa ou nofo faatasi ma lou aunt ma lou uncle, ma na o le pau le mea na la fai mai ia te au o le aua nei talanoa i le tuaoi. Sa la fai mai e ese o ia, ma faia ni tala e uiga ia te ia e faafefe ai au.

Ae peitai, i se tasi aso Toonai sa ia talosaga mai faatasi ai ma ni tamaitai talavou se toalua o lou matua mo lau fesoasoani e fausia se pa. Sa ou ioeina ma galue loa.

I le maea ai o le matauina o nei tamaitai, sa ou iloa e lelei i laua, lea sa amata ai ona ou talanoa ia i laua, lea na taitai atu i se talanoaga e uiga i Le Ekalesia a Iesu Keriso o le Au Paia o Aso e Gata Ai. Sa tele ni au fesili, lea sa la taliina. Sa amata ona ou fia iloa. Sa valaaulia au e lou tuaoi e alu i le lotu faatasi ma ia i le aso na sosoo ai e vaai pe ou te fiafia ai. Sa ou i ai i se tulaga maualalo o lou olaga, lea sa ou mafaufau ai e leai se mea e leiloa atu.

O le savali atu i na faitotoa i le taeao na sosoo ai, sa vave ona ou lagona se filemu i totonu ou te lei malamalama ai, ae sa ou iloa o le lotu lenei e tatau ona ou i ai. Sa faailoa atu au i faifeautalai i lena taeao, ma sa ou iloa le auala na la iloa ai e moni le Ekalesia.

Sa amata ona ou faalogo i lesona eseese mai faifeautalai. Sa le mafai ona ou ole atu i le Tama Faalelagi e auina mai na faifeautalai alofa, agalelei, ma faaleagaga ia te au i se taimi sili atu ona lelei. E ala i lo la fesoasoani mai sa ou maua ai le malamalama sa ia i laua e uiga i le talalelei.

I le maea ai o le faalogo atu ia i laua o faasoa le auala na fesoasoani ai lo la malamalama i le Tama Faalelagi ia i laua i tofotofoga, sa ou lagona e tatau ona ou tatalo e vaai pe moni mea na la tau mai. I le maea ai ona tatalo, sa ou lagona se lagona malosi o le fiafia, filemu, ma le toafimalie i totonu ia te au. Sa ou iloa sa ou maua le tali i lena po e ala i le Agaga Paia.

O le mauaina o lenei malamalama, sa vave ona tuputupu ae lau molimau. Talu mai le auai i le Ekalesia i le 2013, ua ou vaai moni i faamanuiaga na tuuina mai e lo tatou Tama Faalelagi ia te au. Ou te faafetai mo na faifeautalai ma mo lou tuaoi mo le valaaulia o au e sau ia Keriso.