Mga Hulagway sa Hugot nga Pagtuo
Christian Karlsson
Buskerud, Norway
Dihang nadiskubrihan ni Christian ang journal sa iyang lolo, wala sa iyang hunahuna nga importante diay kaayo kini kaniya ug sa iyang pamilya.
Cody Bell, litratista
Gihatagan ko ni Mama og kahon sa karaang mga litrato. Usa sa mga surprisa niini nga kahon mao ang mga journal sa akong lolo. Daghang sinulat ang mugbo ra ug daklit ug naglakip og yanong mga butang sama sa presyo sa gasolina, saging, og isda.
Sulod sa iyang journal, ang kinanindutang gitanyag mao ang tukmang mga rekord sa mga pakigpulong nga gihatag ni Lolo sa simbahan.
Human sa pipila ka tuig nga pag-investigate, nagpamiyembro si Lolo sa Simbahan. Matinud-anon siyang nagserbisyo ug mahalaron kaayo ug puno sa integridad. Sa wala kami stake sa Norway, nagserbisyo siya nga counselor sa Young Men presidency sa tibuok Norway. Nagserbisyo siya nga counselor sa presidency sa Stockholm Sweden Temple dihang namatay siya niadtong 1986.
Nagsugod sa pag-date ang akong mga apohan sa wala pa magpamiyembro ang akong Lolo sa Simbahan. Gisultihan siya ni lola nga dili siya pwede kon Dominggo ug ubang gabii sulod sa semana. Sa sinugdanan nakig-date na lang siya og lain tungod kay si Lola busy kaayo. Sa katapusan mipasabut si lola, “miyembro ko sa usa ka simbahan nga wala pa nimo madungog sukad.”
Mitubag dayon si Lolo, “Ah ang buot nimong ipasabut Ang Simbahan ni Jesukristo sa mga Santos sa Ulahing mga Adlaw?” Nakalitan si Lola—naghunahuna siya nga gipanid-an ni Lolo ang iyang kinabuhi! Apan nakadungog na diay siya sa Simbahan kaniadto.
Sa edad nga 19, gihangyo si Lolo nga motabang sa sensus tungod sa nindot niyang sinulatan. Dihang nangutana siya og usa ka babaye bahin sa iyang relihiyon miingon siya, “Miyembro ko sa “Ang Simbahan ni Jesukristo sa mga Santos sa Ulahing mga Adlaw.” Kadto ang pinakataas nga pangalan sa sekta nga sukad iyang nadunggan. Kanunay niyang nahinumduman kadto nga ngalan. Dihang gisultihan siya ni Lola nga sakop siya sa simbahan nga siguro wala siya mahibalo, naa na sa iyang panumduman ang mao nga pangalan.
Sa iyang mga pakigpulong, gipaambit ni Lolo ang iyang mga hunahuna ug pagbati ug ang mga kalisud sa iyang pag-inverstigate sa Simbahan. Kinahanglan siyang magpaubos sa iyang kaugalingon sa pag-ampo mahitungod sa pagpamiyembro sa Simbahan. Nakadawat siya og tubag ug iya kining gilihok.
Pagkaanindot nga makapaambit sa mga istorya nga iya gayud ni Lolo kauban sa akong asawa ug mga anak. Sila wala makakita kaniya, apan miabut kanila ang iyang mga pulong nga ilang nakuha 30 ka tuig human siya namatay.
Ang mga Karlson malingaw sa paboritong mga dula nga gitawag og “Family Knot.” Sa pagdula, mobarug ang tanan nga magliyok ug maggunitay samtang ang usa ka tawo, nga pilion isip “fixer,” mobiya sa kwarto. Ang tanan sa sirkulo nga dili mamuhi sa paggunitay magpasok-pasok mousab sa ilang mga posisyon. Ang “fixer” dayon mohusay sa nagkagubot nga bugkos sa pamilya.
Elisabeth (sa tuo), Mia (sa tunga), ug si Mats (sa wala) nagluto og homemade nga crispbread.
Si Mikkel ug Mia naggakos human sa family home evening. Ang panahon sa panag-uban nakamugna og lig-ong bugkos sa pamilyang Karlsson.
Si Christian ug ang iyang mga anak nagtan-aw sa mga litrato. Mapasalamaton si Christian sa oportunidad nga iyang makonektar ang iyang mga anak sa ilang katigulangan.
Gidala ni Mia ang iyang pamilya sa usa ka outing ngadto sa kakahoyan sa ilang mga kasilinganan.
Ang pagkaginikanan nagdala og dakong kalipay kang Christian ug ni Elisabeth.
Ang pamilyang Karlsson nanghunong sa may playground. Si Mats (sa tuo) misusi og maayo sa mga pine tree samtang nakigsulti sa iyang mga igsoon nga si Magnus (sa wala) ug Mickel (sa tunga dapit sa tuo).
Si Mia gisung-ay sa iyang papa samtang namauli ang pamilya.