Galue ia Iloa Lou Aiga

Saunia e Peresitene Dallin H. Oaks

Fesoasoani Muamua i le Au Peresitene Sili

Saunia mai se lauga na tuuina atu i le RootsTech 2018 Aso o Sailiiliga a Aiga.

E amata talafaasolopito o aiga pe a e aoao e uiga i ou tuaa. O i latou o tagata moni o e na soifua muamua mai ia te oe ma e sa avea o se vaega o se aiga. Tatou te manaomia ona faamauina i o tatou tuaa ina ia mafai ai ona tatou ola ma i latou o se aiga e faavavau.

A o e aoao e uiga i ou tuaa, o le a e:

Lagona le fiafia ma le to’a.
E le lagona lava le tuua na o oe.
E iloa e taua tagata taitasi i le silafaga a le Tama Faalelagi.

O auala nei e tolu e mafai ai ona e maua ia faamanuiaga:

Saili poo ai ou tuaa.
Aoao ia tala e uiga ia i latou ma faasoa atu pea lava pea.
Faafesootai i latou ma o outou aiga e ala i le auina atu o o latou igoa i le malumalu. O le a mafai ona papatisoina i latou ma faia isi sauniga mo i latou, e pei o le faamauina i lo outou aiga e faavavau.

Na maliu lo’u tina o Stella Oaks a o le i fanau mai se tasi o fanau a a’u fanau. O lea na faia ai e i maua ma Sister Oaks se “Pati a Stella” e fesoasoani e aoao ai e uiga ia te ia. Sa tusia e tagata o le aiga se tusi e uiga ia te ia faapea ma lo’u tama. E mafai ona e aoao atili e uiga i ou tuaa. O le a avatu e lenei mea le malosiaga ma le taitaiga mo lou olaga. ●