E Mafai Lava Ona E Faia se Eseesega Tele

Saunia e Elder Eduardo Gavarret

O le Fitugafulu

Mai se saunoaga i le faigalotu, “… A o au nei ma lou aiga, matou te auauna ia Ieova.” na tuuina atu i le Brigham Young University–Idaho i le aso 16 Me, 2017.

Ou te fia tau atu ia te outou e faapea o toa ma toa tamaitai o le taimi nei o loo i ai iinei Ma e o outou lava. Ou te mautinoa o le a’a, o le uunaiga manaomia e maua ai se suiga ma faaosofia ai le mea e taua o le mana o le tasi, le mana e galue ai, le mana e tautala atu ai, e faavae i le malamalama o le talalelei, ma faaosofia ai se eseesega, o loo i ai iinei, o loo i ai i totonu ia te outou.

Pe le o tatou ea o toa o lo tatou muai olaga? Sa tatou tetee uma ia Lusifelo ma lana fuafuaga. Na tatou fananau mai ma le manumalo, ma ua tatou i ai i le au o le a manumalo i le taua. O lea, i le ma le poto ua i ai tatou, e ao ona tatou faia le filifiliga e tulai i luga a’e o o tatou lava vaivaiga ma agai atu i luma ma lo tatou manatu tasi i Le ua faaolaina i tatou.

Aua nei filifilia le ala o le leaga, e o faatasi ma le faatuutuu ma le le manatu mamafa. Ia filiga ina ia ese mai, faaaoga le mana o loo ia te oe, ma faia se suiga.

E tele mafuaaga tamalii e mafua ona tau ai. Ia avea ma se tasi e teuteua le ala ma faia se suiga. Manatua, o oe o le tagata manumalo, ua fanau mai o se manumalo. E mafai lava ona e faia se eseesega tele.

Filifili se mafuaaga tamalii mo le Alii ina ia tau, ma faaaoga ai lou malosi. O loo i ai tagata e fesoasoani, e faamalosi i lima ua gagase, ma tulivae ua vaivai, o pagota e asia ma faasaoina, fafaga i e fiaaai, faaofu i e le lavalava, ma faamanuia e mamai. Siitia lou leo. Ia talitonui ia te outou lava ma faamaoni i la outou misiona.

“O outou o le ‘faamoemoe o Isaraelu.’ O loo silasila mai le lagi ia te outou, ma o loo faatali mai le lalolagi ie te outou.”¹

Faavae lau feagaiga patino ma Ia, lo tatou Faaola, ma faapea atu, “A o a’u nei ma lo’u aiga, matou te auauna ia Ieova” (Iosua 24:15). Ma o le faia o lena, o le a faamanuiaina ai foi isi.