Tatou te Manaomiaina i Tatou Taitasi

Pe sa e feagai ea ma se luitau i lou olaga na e naunau ai e ufiufi ona o lou fefe i manatu o isi? O loo i ai lea i lo’u aiga ma a’u. Sa matou tauivi ma lenei mea mo tausaga a o matou vaaia lo’u uso o feagai ma le faalagolago i vailaau faasaina.

I le itulau e 16, o le a e maua ai le faamatalaga a le tagata faapitoa i mataupu o le mafaufau e uiga i le ola faalagolago i vailaau, le auala e malamalama ai, le auala e iloa ai, aafiaga i aiga, ma auala tatou te fesoasoani ai. E mulimuli mai lena mea o la’u lava tala i le ala na avea ai le faalagolago o lo’u uso i vailaau faasaina ma mea e aafia ma faatulaga ai au i le faagasologa o le sefulu tausaga ua tuanai.

Pe o le a lava lo tatou naunau ina ia foia luitau e i tatou lava ma ola ai i ni olaga atoatoa, o le mea moni lava tatou te manaomia i tatou taitasi aua e leai se tasi o i tatou e aloese mai le aafia ai i nei luitau. E ao ona tatou “fesui i avega a le tasi ma le isi” (Mosaea 18:8), ma e mafai ona faailoa mai e le Faaola ia i tatou le ala tonu e fai ai pe a tatou tuuina atu ina ia faia e Ia. O lou faamoemoe o le a tatou taumafai ina iloa, ia femalamalamaai, ia alofa, ae le o le vave ona faamasino atu. I le faia o lea, o le a faateleina lo tatou filemu ma le olioli poo le a lava le tulaga o le a tatou oo iai.

Chakell Wardleigh

Mekasini a le Ekalesia