Kon Ikaw Mawad-an sa Kadasig
Ang kinabuhi adunay maayong mga panahon ug dili maayong mga panahon. Usahay kon dili maayo ang atong adlaw, makapangutana kita unsay gihimo sa Dios—nganong ang mapinanggaong Amahan motugot man nga mahitabo kini? Kini nga lisud nga sitwasyon mosangko sa atong pagpangutana, “Nagpakabana ba gayud ang Dios kanako sa personal nga paagi?”
Sa mga sitwasyon nga sama niini, akong nakita nga makatabang kini nga kasulatan:
-
Salmo 8:4–5: “Unsa ba ang tawo, nga ikaw matinagdanon man kaniya? … Kay gibuhat mo siya nga ubos lamang og diyutay kay sa mga manolunda, ug gipurongpurongan mo siya uban sa himaya ug dungog.”
-
Juan 10:14: Atol sa Iyang kinabuhi dinhi sa yuta, gihulagway ni Jesus ang Iyang kaugalingon isip “ang maayong magbalantay sa mga karnero” ug midugang, “[Ako] nakaila sa akong mga [karnero].”
-
Moses 1:39: Usa kini sa paborito nakong mga bersikulo, diin ang Ginoo mipadayag sa Iyang katuyoan ngadto ni Propeta Joseph Smith: “Kay tan-awa, mao kini ang akong buhat ug ang akong himaya—ang pagpahinabo sa pagka-imortal ug sa kinabuhi nga dayon sa tawo”—nga sa ingon niana naghatag og gibug-aton sa Iyang interes diha kanato isip mga indibidwal.
-
Lucas 7:11–16: Dili lamang kay kini nga istorya nagtudlo kanato mahitungod sa gahum sa Manluluwas batok sa kamatayon—nga usa ka haum kaayong pahinumdom atol niining panahon sa Pasko sa Pagkabanhaw—apan alang kanako nagrepresentar kini sa usa ka maayong ehemplo sa gidak-on sa Iyang pagpakabana kanato sa matag usa. Sa tanang mga milagro ni Jesus sa Iyang kapanahunan sa yuta, diyutay ra ang adunay kalumo ug kalooy sama sa Iyang pagpangalagad ngadto sa biyuda sa Nain. Sama sa akong gipaambit sa akong artikulo (tan-awa sa pahina 12), kini nga istorya nagpakita sa interes ug sa gugma sa Manluluwas sa matag usa kanato.
Keith Wilson
Associate nga propesor, Unibersidad sa Brigham Young