Bag-ong Seksyon sa Liahona alang sa mga Bata

Sugod sa 2019, ang mga pahina sa Liahona alang sa mga bata mausab sa tulo ka dagkong paagi:

Usa ka nag-inusarang kompleto nga seksyon. Karon ang mga bata mas makabasa na og daghang makapalambo sa pagpamatuod nga mga sugilanon ug mga kalihokan diha sa mga pahina, nga gitawag og ang Higala. Ang Liahona magpadayon usab sa pagpresentar og mga artikulo alang sa mga hingkod, sa batan-ong mga hamtong [young adult], ug sa mga batan-on.
Dugang nga mga pahina. Ang pagdugang sa mga pahina gikan sa 14 ngadto sa 24 nagpasabut sa mas daghan pang mga istorya, mga kalihokan, ug mga ideya alang sa pagtudlo sa mga bata diha sa panimalay ug sa Primary. (Ang mga ideya sa pagtudlo gipahiuyon sa bag-ong mga kapanguhaan nga Dali, Sunod Kanako.)
Bag-ong papel. Ang bag-ong papel nga haum sa mga bata dali rang putlon o guntingon, koloran, ug drowingan.

Ang Higala ilakip sa subskripsyon sa Liahona nga walay idugang nga bayad ug ipadala kini kauban sa magasin. Niining higayona, ang Higala dili ma-order nga mao ra.

Ang tanan nga makadawat sa Liahona makahatag og kahigayunan sa mga bata nga makabasa sa ang Higala. Kadtong walay mga bata diha sa panimalay pweding mohatag niini ngadto sa apo, sa usa ka higala o silingan, o sa lider sa Primary, kinsa maoy makahatag niini ngadto sa usa ka bata sa ward o branch.

Sa pag-order og usa ka subskripsyon o sa paghatag niini isip usa ka regalo, adto sa store.lds.org, kontaka ang inyong pinakaduol nga sentro sa distribusyon [distribution center], o pakigsultihi ang inyong klerk sa ward o branch.

Pahibaloa ang Liahona kon giunsa nimo sa paggamit ang bag-ong Higala diha sa panimalay ug sa simbahan pinaagi sa pag-email sa liahona@ldschurch.org.