Ipakita ug Isulti

Gusto nakong makita ang templo.

Rebecca C., edad 9, Aragua, Venezuela

Usa ka adlaw sa dihang misulod mi sa sakyanan, dili kini mo-andar. Gisusi namo ang makina, apan walay nahitabo. Gibati nako nga kinahanglan kong mag-ampo, busa gibuhat nako. Pipila ka minutos ang milabay ang sakyanan mi-andar. Nalipay kaayo ko nga ang Langitnong Amahan kanunay makatabang kanako.

Brooklyn B., edad 9, Quetzaltenango, Guatemala

Ganahan kong modula og football kauban sa mas manghod nga mga bata ug tudloan sila og bag-ong mga kahanas. Usa kana ka paagi sa pagserbisyo nga maoy akong gusto.

Sasha K., edad 11, Moscow, Russia

Duha ka tuig ang milabay usa ka bag-ong batang lalaki miapil sa among klase sa eskwelahan. Dili siya mabination sa uban. Ang tanan nagsugod nga dili ganahan niya ug dili mabination kaniya. Daw nasubo siya niini, mao nga wala nako himoa ang gihimo sa uban. Pipila sa akong mga higala nakabantay ug misunod sa akong ehemplo. Mituo ako nga kon buhaton nako unsay gusto sa Dios nga akong buhaton, mas malipayon ako ug mas sigurado. Mituo ako nga kon duna koy kaisug ug mosulti sa akong gihunahuna, makakaplag ko og mga higala nga makagusto kanako kon unsa man ako.

Vestina K., edad 11, Vilnius, Lithuania