Ngkana E Bwara Nanom
N te maiu iai te keerake ao te keerikaaki. N taai tabetai ngkana ti keerikaaki, ti mimi bwa tera ae tabe ni karaoia te Atua—bukin tera bwa te Tama ae tangira e kariaia aei bwa e na riki? Te kangaanga aio e kona ni karokoira n titiraki, “E bon tabeakinai raoi te Atua?”
N taai n aekan aio, I a tia ni kunea bwa booki aika tabu aikai a rangi ni ibuobuoki:
-
Taian Areru 8:4-5: “Ao tera te aomata, ngkai Ko uringa?… “Bwa ko karaoia bwa e mangori riki teutana nakoia anera, ao ko baunna n te neboaki ma te karineaki.”
-
Ioane 10:14: Inanon maiuna ikai i aonaaba, Iesu e kabwabwara Ngaia bwa “te tia kawakin tiibu ae raoiroi” ao n reitia, “[I] ataia au tiibu.”
-
Mote 1:39: Aio teuana au kibu ae mamate nanou iai are te Uea e kaota Ana mwakuri nakon te Burabeti are Iotebwa Timiti: “Bwa nooria bon, aio au mwakuri ao mimitongiu—ni karekea te aki mamate ao te maiu ae akea tokina ibukin te aomata.”—n te aro aio e kaota Nanona iroura n tatabemaniira.
-
Ruka 7:11-16: E aki tii reireiniira te karaki aio ni mwaakan te Tia Kamaiu iaon te mate—te kauring n te tai ni Itita—ma irou e onea mwiin te katoto ae te kabanea n tamaroa n Ana ataibwai ibukira. Mai buakon ana kakai Iesu ni kabane, tabeua a bebete ao n nanoanga n aron Ana buoka nakon te aine ae mate buuna mai Nain. N aron are I tibwauaia n au karaki (taraa iteraniba12) te karaki aio e kaota nanon te Tia Kamaiu n ana tangira ibukira.
Keith Wilson
Te Atiotiete ni Burobeetia, Brigham Young Iuniwetiri