Katai Tabeua Katein te Itita aika Boou
N te Itita aei, kabanea teutana riki te tai n uringa te kabanea n tamaroa n bwaintangira are ti a tia n anganaki.
Kabwarabwara man E na Bungiaki te Teei Nakoira, iroun Lynne Millman Weidinger
Te Kiritimati e rang rungaaki riki mai buakon taian motirawa. Ma n akean baike a riki ake ngkoa aika ti bukamarui ni katoa Itita, E na akea te Kiritimati.
Beretitenti Gordon B. Hinckley (1910–2008) n te tai teuana ao e reirei, “E na akea te Kiritimati ngke arona bwa akea te Itita. Te merimeri are Iesu mai Betereem e na riki bwa temanna te merimeri ae tiaki te Kristo ae na kamaiu i Ketetemwane ao n te Tabo n Tabwanou, ao e na akea te koaua n tokanikai n te Mangauti.”1
Aikai tabeua katei aika ko kona n rinei n raona am bootaki ni katoa ririki.
1. Naako Anene
Katikui kuuna ake a kabwarabwarai maan aika taian ria ao aomata aika uarereke, Anenen te Kiritimati a boboto n taekan Iesu Kristo. Te Itita bon te tai ae tamaroa ibukin anene ake a kabwarabwara rongorongon te Tia Kamaiu, ao eang, e ngae ngke ti anenei imatan aia auti kaain rarikira.
Ngkana e a bane am iango, nako noora mwakoron te boki n anene ae “topics” iaan “Easter” ao “Atonement” ibukin taian kuna. Tera nako te anene are e bukamaru ibukin Iesu Kristo e bon riai ibukin te Anene iaan auti.
2. Kabwara ana bure Temanna
Mwaitira te tai are ko karabwarabwa iai ibukin ana bwaintangira te rairannano? Te Itita e anga te tai nakoira bwa ti na iangoa raoi riki arora ni kabwara aia bure tabeman.
E reirei Iesu: “Mangaia are, I tuangkami, bwa kam riai ni kabwara bure i marenami. …
“Ngai, te Uea, N na kabwara ana bure are I taku bwa N na kabwara, ma ngkami kam riai ni kabwarai aia bure aomata ni kabane” (Reirei ao Berita aika Tabu 64:9–10).
Titirakiniko ibon iroum: Antai ae iai am namakin n riribai ibukina? Tataro bwa ko na kakorakoraki bwa ko aonga ni kabwara ana bure te aomata anne, ao kariaia bwa te Tia Kamaiu e na buoka kamaunan namakin akana a kammaraki akanne.
3. Karaoa te Kamataku, Te kaotioti, ke Kamataku riki Tabeua
Ko kona ni baronga te kamataku ibukin te Itita. Te katooto ae aki kaangaanga bon warekan koroboki aika tabu n te kainutu ke te anene ma kaain am kaawa nakoia te botanaomata.
4. Kawari Runimateia Naake Kam Tangiria
Kioina ngkai iai Iesu Kristo, e bua kaweteni bukin te mate (taraa 1 I-Korinto 15:55). Kabanea ama tai n kawari ruanimateia naake kam tangiria n iangoa te rongorongo ae kakukurei aei.
Kam kona naba ni wareki n ae e nene tabeua kiibu ake a mamate nanomi iai ake a kaineti ma te Mangauti n ami tai ni kawari ruanimate aikai. Tabeua (mai buakon koroboki aika tabu) aika a mwaiti ae ko kona ni kabonganai bon 1 I-Korinto 15:20–22; Aramwa 11:42–44; ao Reirei ao Berita aika Tabu 88:14–16.
5. Katamaroai Riki Ngkami
Kabwarabwara man: Rokon Iesu Kristo i America, iroun John Scott
Te Itita e karinei baike a riki i Ketetemwane, te bwai are e riki iaon te kaibangaki, te Tia Kamaiu are e uti man te mate n te katenibong, ao ngkanne Ana mwakuri ni ibuobuoki inanon 40 te bong imwain waerakena nako karawa.
N ikotaki ma aei, e aki maan imwin waerakena nako karawa, Iesu Kristo e kaoti nakoia Nibwaite ao ni karaoa ana mwakuri ni ibuobuoki nakoia (taraa 3 Nibwaai 11–28). Anne e rangi ni mwaiti ibukin te bukamaru!
E aera ko aki karawata am tai ni bukamarua tain te Itita? Kariaia bwa e na kukurei tamneim n ana kakai nako te Itita. Kataia bwa ko na katotoonga riki Iesu inanon 40 te bong imwin te Itita. Ni karekea te ungannao, iangoa te kakao aei mairoun Bereitenti Russell M. Nelson: “Anga mwakoron am tai ni katoa wiiki ni kamatebwai bwai ni kabane ake e taekin ao ni karaoi Iesu n aron are e koreaki n te O Tetemanti, bwa Ngaia bon Iehova are n te O Tetemanti. Kamatebwaia Ana tua nako ake a koreaki n te Nu Tetemanti, bwa Ngaia bon te Kristo. Kamatebwaia Ana reirei ake a koreaki n ana Boki Moomon, bwa akea riki te boki ike Ana mition ao Ana mwakuri a bwarabwara raoi. Ao kamatebwai Ana taeka ake a koreaki n Reirei ao Berita aika Tabu, bwa E reitinako n reireinia Ana aomata ni boong aikai.”2
A Tataninga Kateim
E a tia unimwane Dieter F. Uchtdorf man te Kooram n Abotoro n te Tengaun ma Uoman n reirei, “Bwa ti aonga n ataia bwa tera te bong ae moan te kakawaki n rongorongo rimoa, ti riai n oki rikaaki nakon te tairiki are e kaan 2,000 te ririki n nako n te Onaroka are i Ketetemwane ngke Iesu Kristo e katorobubua n tataro ao e anga Ngaia bwa te karea ni kamaiu ibukin ara bure.“3
Baika a riki aika tenaan kabanea ni kakawaki n rongorongon rimoa e materaoi kabanean te tai ni iangoi ni katoa ririki. Taian katei a kona ni buokira ni karaoa anne, tao ake n te rinan aei ke n are ko bon rineia.
Tera ae ko na kairia n te ririki aei?