Man te Moan Beretitentii
Ana Bwaintangira te Atua ae Korakora
Iroun Beretitenti Russell M. Nelson
Man “Te Kaitau nakon te Atua,” Riaona, Meei 2012, 77–80.
N te bong teuana Titita Nelson ao Ngai ti noori ika n te nei are a kawakinaki iai. Te ika ma matan kuniia aika a turu mataia ma teiia aika kakaokoro ao buburaia ni birirake ao ni kerikaaki. I titirakina te tia mwakuri ae kaan,“Antai ae kakamwarakeia ika aika tikiraoi aikai?”
E kaeka neiei, “ngai.”
I a titiraki ngkanne, “A tia ika ni kaitauko?”
E kaeka neiei,, “A tuai!”
Tabeman aomata bon aekaia ika akanne. A aki ataa te Atua ao Raoiroina nakoiia. A na mwaitira tamaroana ngkana ti kona n ataa riki ana tangira te Atua ao n anga ara kakaitau Nakoina.
Te kakaitau ibukin Iesu Kristo
Te Atua e kanakoa Natina, ae Iesu Kristo, bwa e na buokira. E karaoa anne bukina bwa E bati n tangiriira.
E roko Iesu ni kamaiu ira.
Bukin ana Baire ni Kamaiu, ti kona ni manga kautaki imwiin matera.
Bukin Ana Baire ni Kamaiu, ti kona n oki ni maiu ma Tamara are i Karawa n aki toki.
E kabwarabwara Iesu:
“Boni Ngai te manga-uti ao te maiu: ane onimakinai, ngkana tao e boni mate, ao e na boni manga maiu: ao ane maiu man onimakinai, ao e na bon aki mate” (Ioane 11:25–26).
Aio te rongorongo ae kamimi n te Itita!
Iesu Bon Au Tia Kamaiu
Iesu e a manga uti n ingabongin te Itita. Wareki kiibu ni ukoukora te bwai are e karaoia ibukira. Karana te nne anne imwin am wareware ni katoa te kibu. Ao ngkanne karani nikiran tamnei.
-
Iesu e korakai i Ketetemwane ao iaon te kaibangaki ni kamaiura man ara bure.
-
Iesu e mate ao ni manga uti ni kamaiura man ara bure.
-
Iesu e anganiira te toa ni buokira ni Ururingnga.
-
Iesu e reireiniira bwa ti na kabwarai aia bure aomata.
-
Iesu e kaota nakoira bwa ti na akoi.
-
Bukin Iesu, ti na bane ni kautaki imwiin matera.